Veiði

Laxá í Kjós komin í nýjar hendur

Karl Lúðvíksson skrifar
Haraldur Eiríksson er nýr leigutaki í Laxá í Kjós
Haraldur Eiríksson er nýr leigutaki í Laxá í Kjós

Það þykja alltaf nokkur tíðindi þegar vinsælar ár skipta um leigutaka en nú ber svo við að Laxá í Kjós fer í nýjar hendur.

Það er líklega óhætt að segja að fáir þekki Laxá í Kjós jafnvel og nýr leigutaki en Harald Eiríksson þekkja líklega flestir veiðimenn í dag enda hefur Haraldur verið viðloðandi stangveiði síðustu þrjá áratugina líklega. Haraldur var sölustjóri SVFR og síðan hjá Hreggnasa en vendir nú kvæði sínu í kross og kemur til með að taka Laxá í Kjós upp á sína arma næstu árin.

Nýr samningur um ánna er til næstu ára og mun heildar verðskrá veiðileyfa lækka sem er fagnaðarefni fyrir veiðimenn, eins hefur verið tekin ákvörðun um að veiðihúsið fái nokkra yfirhalningu. Veiðin í Kjósinni var góð í sumar en á land komu 1015 laxar og haustveiðin var í þessu samhengi mjög góð en mesta veiði á stöng var eftir okkar heimildum 31 lax á eina stöng en þar voru mjög vanir menn í Kjósinni á ferð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.