Innlent

33 greindust innan­­lands og átta nú á sjúkra­húsi

Atli Ísleifsson skrifar
Sýnatökur vegna Covid á höfuðborgarsvæðinu fara fram á Suðurlandsbraut 34.
Sýnatökur vegna Covid á höfuðborgarsvæðinu fara fram á Suðurlandsbraut 34. Vísir/Vilhelm

33 greindust með kórónuveiruna innanlands í gær. Nítján þeirra sem greindust voru í sóttkví við greiningu.

Þetta kemur fram í uppfærðum tölum á vefnum covid.is. Alls eru átta nú á sjúkrahúsi vegna Covid-19, þar af tveir á gjörgæslu. Í gær voru sex á sjúkrahúsi, þar af tveir á gjörgæslu. 

Líkt og í gær þá greindist ekkert smit á landamærum.

551 manns eru nú í einangrun, samanborið við 525 í gær. Þá eru 1.747 í sóttkví í dag, samanborið við 1.620 í gær.

Af þeim 33 sem greindust innanlands í gær greindust 31 eftir að svokölluð einkennasýni voru tekin og tvö við sóttkvíar- og handahófsskimun.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 140,7 en var 135,3 í gær. Þá er nýgengi landamærasmita nú 6,3, en var 6,8 í gær.

Nú hafa 2.728 manns greinst smitaðir af kórónuveiru frá upphafi faraldursins. Tíu þeirra sem hafa veikst af Covid-19 eru látnir.

Alls voru tekin 1.222 einkennasýni hjá sýkla- og veirufræðideild Landspítalans og Íslenskri erfðagreiningu í gær og 526 sýni á landamærunum eða í seinni landamæraskimun. Þá voru 413 sýni tekin við sóttkvíar- og handahófsskimun og 68 í annarri skimun hjá Íslenskri erfðagreiningu.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.