Innlent

184 starfsmenn Landspítala í sóttkví og 35 í einangrun

Vésteinn Örn Pétursson skrifar
35 starfsmenn Landspítalans eru nú í einangrun vegna Covd-19 smita.
35 starfsmenn Landspítalans eru nú í einangrun vegna Covd-19 smita. Ljósmynd/Landspítali/Þorkell

Alls eru nú 184 starfsmenn Landspítalans í sóttkví og 35 í einangrun, að því er fram kemur á vef spítalans. Starfsmönnum í sóttkví hefur fjölgað lítillega síðan í gær en fjöldi í einangrun helst sá sami.

Tveir sjúklingar með Covid-19 liggja nú inni á spítalanum og 437 eru í eftirliti Covid-göngudeildarinnar.

Í stuttri orðsendingu á vef spítalans kemur einnig fram að Landspítalinn sé á hættustigi vegna kórónuveirufaraldursins, eins og áður hefur verið greint frá. Viðbragðsstjórn og farsóttanefnd spítalans funda daglega.

„Allar ákvarðanir vegna sóttvarna og takmarkana þeim tengdar eru teknar á þeim miðlæga vettvangi og eru starfsmenn og stjórnendur hvattir til að kynna sér nýjustu ákvarðanir á degi hverjum á innri upplýsingavefjum spítalans,“ segir einnig í orðsendingunni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×