Viðskipti innlent

Framkvæmdastjóri Novis hristir höfuðið yfir tilkynningu Seðlabankans

Kolbeinn Tumi Daðason skrifar
Novis hefur verið með íslenska viðskiptavini síðan árið 2018.
Novis hefur verið með íslenska viðskiptavini síðan árið 2018. Kynningarefni Novis

Framkvæmdastjóri slóvakíska tryggingafélagsins Novis segir alrangt að Seðlabanki Slóvakíu hafi gefið út bann við nýsölu vátrygginga eins og haldið er fram á heimasíðu Seðlabanka Íslands. Novis sé ekki undir neinum takmörkunum um sölu vátrygginga á Íslandi eða nokkur öðru starfssvæði félagsins. Öll starfsemi Novis sé lögleg og án hindrana.

Vísir fjallaði í dag um óvissu sem væri uppi hjá viðskiptavinum Novis sem eru á sjötta þúsund hér á landi. Var vísað í frétt á vef Seðlabanka Íslands þar sem fullyrt er að slíkt tímabundið bann sé fyrir hendi. Neytendur ættu af þeim sökum að ákveða sjálfir hvort þeir héldu áfram að greiða iðgjald eða ekki.

Hákon Hákonarson, löggiltur vátryggingamiðlari og fulltrúi Novis hér á landi, vísar til tilkynningar frá Novis þar sem segir að vátryggingatakar Novis séu öruggir, hafi fullgildar vátryggingar og geti treyst Novis að fullu.

Tilkynning frá framkvæmdastjórum Novis:

Með tilliti til fréttar á heimasíðu Seðlabanka Íslands, og fjölmiðlaumfjöllunar í framhaldinu um að Seðlabanki Slóvakíu hafi gefið út bann við nýsölu vátrygginga hjá NOVIS Insurance Company Inc., þá er nauðsynlegt að taka eftirfarandi fram: NOVIS Insurance Company Inc. er ekki undir neinum takmörkunum af hálfu Seðlabanka Slóvakíu um að selja nýjar vátryggingar á Íslandi eða annarsstaðar á starfssvæði félagsins og öll starfsemi NOVIS er lögleg og án hindrana. 

NOVIS hefur traustan fjárhag og getur að fullu sinnt viðskiptavinum sínum í samræmi við þá vátryggingasamninga sem þeir hafa hjá félaginu. Það virðist á hinn bóginn vera uppi misskilningur um ákvörðun Seðlabanka Slóvakíu að fylgjast með fjárfestingareignum sem NOVIS hefur í vörslu og samsvarandi skýrsluskilum frá NOVIS sem félagið fylgir í einu og öllu. 

Vátryggingatakar NOVIS eru öruggir, hafa fullgildar vátryggingar og geta treyst viðskiptum sínum við vátryggingafélag sem hefur fullgilt starfsleyfi og fjárhagslega burði til að standa við allar sínar skuldbindingar.

Undir skrifa Siegfried Fatzi framkvæmdastjóri Novis og Slavomir Habánik aðstoðarframkvæmdastjóri.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
EIM
8,66
52
587.174
SYN
1,77
9
166.086
MAREL
1,76
72
1.047.578
REGINN
1,69
12
99.122
REITIR
1,68
4
12.322

Mesta lækkun dagsins


Félag
Br.%
Fjöldi
Velta*
BRIM
-0,88
3
9.830
ICESEA
-0,22
2
28.333
KVIKA
-0,16
16
286.717
ICEAIR
0
24
10.331
Velkomin á Vísi. Þessi vefur notar vafrakökur. Sjá nánar.