Snjór í hlíðum Esjunnar

Atli Ísleifsson skrifar 21. september 2020 10:31

Íbúar á höfuðborgarsvæðinu tóku margir eftir því í morgun að sjá snjó í efri hluta Esjunnar.

„Þetta gerðist í nótt,“ segir Elín Björk Jónasdóttir, veðurfræðingur hjá Veðurstofunni.

Aðspurð um samanburð við fyrri ár þá segist Elín Björk telja það ólíklegt að þessi atburður sé óvenjulega snemma á ferðinni í ár.

„Þetta er haustboðinn. Það væntanlega bráðnar eitthvað neðan úr henni í dag, en það er orðið það kalt á nóttinni að það nær að hvítna ef það er úrkoma. Það er komið það langt fram á haust að þetta er komið til að vera,“ segir Elín Björk.

Sömuleiðis má sjá á vef skíðasvæðanna að jörð er orðin hvít í Bláfjöllum.

Staðan í Bláfjöllum í morgun.Skíðasvæðin

Frá Norðurlandi, þar á meðal á Siglufirði, hafa sömuleiðis birst myndir af hvítri jörð eftir snjókomu í nótt.

Esjan Reykjavík Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.