Viðskipti innlent

Mikil eftirspurn eftir hlutabréfum í Icelandair

Sunna Kristín Hilmarsdóttir skrifar
Bogi Nils Bogason, forstjóri Icelandair, segir að nú hefjist nýr kafli í 80 ára sögu félagsins.
Bogi Nils Bogason, forstjóri Icelandair, segir að nú hefjist nýr kafli í 80 ára sögu félagsins. Vísir/Vilhelm

Umfram eftirspurn var eftir hlutum í hlutafjárútboði Icelandair Group sem lauk klukkan 16 í gær, fimmtudag. Um ellefu þúsund manns eru nú hluthafar í félaginu og almennir hluthafar eiga nú um helming hluta. Um þúsund starfsmenn tóku þátt í útboðinu.

Í tilkynningu frá Icelandair sem barst skömmu fyrir klukkan hálfeitt í nótt kemur fram að í útboðinu hafi verið boðnir til sölu 20 milljarðar nýir hlutir. Vegna mikillar eftirspurnar var hlutunum fjölgað í 23 milljarða.

Umframeftirspurn eftir hlutum í útboðinu nam um það bil 85% frá bæði fagfjárfestum og almennum fjárfestum. Útboðsgengi í báðum tilboðsbókum var ein króna á hlut.

Nýr kafli í sögu félagsins

Bogi Nils Bogason, forstjóri Icelandair Group, segir í tilkynningu að nú hefjist nýr kafli í sögu félagsins.

„Við erum auðmjúk og þakklát fyrir það mikla traust sem Icelandair Group var sýnt í hlutafjárútboðinu sem er lokahnykkurinn í fjárhagslegri endurskipulagningu félagsins. Með breiðari hluthafahópi, sterkum efnahagsreikningi og sveigjanlegu leiðakerfi munum við verða tilbúin að bregðast hratt við þegar eftirspurn tekur við sér á ný. Við ætlum okkur, hér eftir sem hingað til, að tryggja öflugar flugsamgöngur til og frá Íslandi og yfir Atlantshafið með tilheyrandi ávinningi fyrir íslenskt efnahagslíf og lífsgæði hér á landi,“ segir Bogi.

Samheldni þegar á móti blæs

Einnig er haft eftir Boga að starfsfólk af öllum sviðum félagsins hafi unnið þrekvirki á liðnum mánuðum við fjárhagslega endurskipulagningu og þjónustu við viðskiptavini í heimsfaraldri auk þess að sækja ný verkefni, til dæmis í leigu- og fraktflugi, til að nýta innviði og auka tekjur.

„Styrkleikar félagsins liggja meðal annars í reynslu og þekkingu starfsfólks og ekki síst samheldni þegar á móti blæs. Fyrir það er ég bæði þakklátur og stoltur. Nýr kafli er að hefjast í yfir 80 ára sögu félagsins og ég býð yfir sjö þúsund nýja hluthafa velkomna til liðs við okkur.“

Tilkynningu Icelandair vegna hlutafjárútboðsins má sjá í heild sinni hér fyrir neðan:

Almennu hlutafjárútboði Icelandair Group lauk klukkan 16:00 þann 17. september 2020. Í útboðinu voru boðnir til sölu 20 milljarðar nýir hlutir. Umframeftirspurn eftir hlutum í útboðinu nam u.þ.b. 85% frá bæði fagfjárfestum og almennum fjárfestum. Útboðsgengi í báðum tilboðsbókum var 1,0 króna á hlut.

· Alls bárust yfir 9 þúsund áskriftir samtals að fjárhæð 37,3 milljarðar króna.

· Stjórn hefur samþykkt áskriftir að fjárhæð 30,3 milljarða og ákveðið að nýta heimild til stækkunar útboðsins þannig að fjöldi seldra hluta verður 23 milljarðar.

· Nýjum hlutum fylgja 25% áskriftarréttindi eða sem nemur 5,75 milljörðum hluta.

· Úthlutun var í samræmi við skilmála útboðsins

  • Núverandi hluthafar sem tóku þátt í útboðinu fengu fulla úthlutun í samræmi við hlutafjáreign þeirra.
  • Áskriftir frá u.þ.b. 1.000 starfsmönnum bárust og verður þeim úthlutað án skerðingar.
  • Áskriftir að jafnvirði 1 milljón kr. eða lægri verða ekki skertar.
  • Hlutfallsleg skerðing annarra áskrifta í báðum tilboðsbókum er um 37%.

· Mikil eftirspurn var frá almennum fjárfestum og verður eignarhlutur þeirra í félaginu um 50% í kjölfar útboðsins.

· Fjöldi hluthafa í félaginu í kjölfar útboðs verður yfir 11.000.

· Vegna umframeftirspurnar í útboðinu virkjaðist ekki sölutryggingin.

Fjárfestar geta nálgast upplýsingar um úthlutun í útboðinu eigi síðar en í lok dags 18. september 2020 með því að fara inn á áskriftarvef útboðsins á vefsíðu Landsbankans, https://www.landsbankinn.is/utbod/icelandair, og nota sömu aðgangsauðkenni og þeir notuðu til að skrá áskrift sína í útboðinu. Gjalddagi og eindagi áskriftarloforða í útboðinu er 23. september 2020.

Greiddir hlutir verða afhentir þegar hlutafjáraukning hefur verið skráð hjá Fyrirtækjaskrá og verða hlutirnir gefnir út í gegnum Nasdaq CSD Ísland í síðasta lagi 9. október 2020. Að teknu tilliti til lögbundinna tímamarka en stefnt er að því að afhenda nýju hlutina fyrr. Gert er ráð fyrir að nýju hlutirnir verði teknir til viðskipta á Aðalmarkaði Nasdaq Iceland eigi síðar en þann 12. október 2020.

Hlutafé félagsins er 5,4 milljarðar hluta og eftir útgáfu nýrra hluta verður heildarhlutafé alls um 28,4 milljarðar hluta. Úthlutun og skráning áskriftarréttinda verður eigi síðar en 15. október 2020. Fyrirtækjaráðgjöf Landsbankans og fyrirtækjaráðgjöf Íslandsbanka voru umsjónaraðilar útboðsins.

Bogi Nils Bogason, forstjóri Icelandair Group:

„Við erum auðmjúk og þakklát fyrir það mikla traust sem Icelandair Group var sýnt í hlutafjárútboðinu sem er lokahnykkurinn í fjárhagslegri endurskipulagningu félagsins. Með breiðari hluthafahópi, sterkum efnahagsreikningi og sveigjanlegu leiðakerfi munum við verða tilbúin að bregðast hratt við þegar eftirspurn tekur við sér á ný. Við ætlum okkur, hér eftir sem hingað til, að tryggja öflugar flugsamgöngur til og frá Íslandi og yfir Atlantshafið með tilheyrandi ávinningi fyrir íslenskt efnahagslíf og lífsgæði hér á landi.

Starfsfólk af öllum sviðum Icelandair Group hefur á liðnum mánuðum unnið þrekvirki við fjárhagslega endurskipulagningu félagsins, þjónustu við viðskiptavini í heimsfaraldri og um leið sótt ný verkefni, til dæmis í leigu- og fraktflugi, til að nýta innviði og auka tekjur félagsins. Styrkleikar félagsins liggja meðal annars í reynslu og þekkingu starfsfólks og ekki síst samheldni þegar á móti blæs. Fyrir það er ég bæði þakklátur og stoltur. Nýr kafli er að hefjast í yfir 80 ára sögu félagsins og ég býð yfir sjö þúsund nýja hluthafa velkomna til liðs við okkur.“


Tengdar fréttir

Skráði sig fyrir stórum hlut í Icelandair

Talsmaður kaupsýslukonunnar Michele Roosevelt Edwards Ballarin segir að hún hafi gert bindandi tilboð í hlutafjárútboði Icelandair. Samkvæmt heimildum fréttastofu hljóðar tilboðið upp á sjö milljarða króna.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ARION
0,12
17
309.567

Mesta lækkun dagsins


Félag
Br.%
Fjöldi
Velta*
EIM
-4,26
10
16.774
ICEAIR
-4,21
32
29.111
MAREL
-3,67
27
228.409
EIK
-3,05
7
70.950
ICESEA
-2,79
7
105.175
Velkomin á Vísi. Þessi vefur notar vafrakökur. Sjá nánar.