Viðskipti innlent

Ballarin mætt vegna útboðs Icelandair og braut væntanlega sóttvarnarreglur

Nadine Guðrún Yaghi skrifar
Michelle Ballarin var með fjólubláan varalit þegar hún kom til landsins á sínum tíma í þeim tilgangi að endurvekja WOW air.
Michelle Ballarin var með fjólubláan varalit þegar hún kom til landsins á sínum tíma í þeim tilgangi að endurvekja WOW air. Vísir/Baldur Hrafnkell

Michele Roosevelt Edwards Ballarin fjárfestir er komin til landsins í tilefni af hlutafjárútboði Icelandair. Ballarin braut væntanlega sóttvarnareglur en hún sást á kaffihúsi í Borgartúni í gær um sólarhring eftir komuna.  Hlutafjárútboðið hófst í gærmorgun og lýkur klukkan fjögur í dag.

Ballarin er ekki ókunn íslenskum flugheimi en hún stefndi að því að stofna flugfélag á Íslandi og keypti að lokum WOW air af þrotabúi félagsins. Lögmaður Ballarin segir sóttvarnalög hafa verið brotin sökum misskilings.

„Ég get staðfest að hún kom til landsins til þess að skoða mögulega á því að taka þátt í þessu hlutafjárútboði. Til þess að gera það hefur hún þurft að tala við fullt af fólki og sömuleiðis að átta sig á ýmsum stærðargráðum í hugsanlegri þátttöku hlutafjárútboðs af þessu tagi,“ segir Gunnar Steinn Pálsson, almannatengill sem aðstoðað hefur Ballarin hér á landi.

Samkvæmt heimildum fréttastofu sat Ballarin á Te og Kaffi í Borgartúni í gær ásamt Gunnari Steini. Samkvæmt sóttvarnareglum eiga allir þeir sem koma til landsins að undirgangast tvær skimanir með fimm daga sóttkví á milli.

„Ég leyfi mér að fullyrða að Michele var í góðri trú um undanþágur sínar frá sóttvarnarreglum enda hefðum við ella aldrei sest niður á opinberum veitingastað,“ segir Gunnar Steinn.

Á meðan þau sátu á kaffihúsinu fékk Gunnar Steinn símtal með ábendingu um að Ballarin ætti að vera í sóttkví og skömmu síðar fóru þau af kaffihúsinu.

„Auðvitað myndi aldrei hvarfla að henni að brjóta þessar reglur í allra augnsýn og ennþá síður verandi í þessum flugtengdu erindagjörðum til landsins. Við yfirgáfum veitingastaðinn að sjálfsögðu samstundis og fundum síðar út að um ákveðinn misskilning hefði verið að ræða,“ segir Gunnar Steinn.

Páll Ágúst Ólafsson, lögmaður Ballarin, segist hafa haft milligöngu um að Ballarin fengi undanþágu til að koma til landsins til að taka þátt í hlutafjárútboðinu.

„Hún fór í próf áður en hún kom sem var neikvætt og einnig við komuna til landins. Úr því kom niðurstaða nokkrum tímum síðar,“ segir Páll Ágúst Pálsson, lögmaður Ballarin.

Hann segist bera ábyrgð á mistökum Ballarin.

„Í hraða leiksins þá var hún búin að fara í tvær prufur og ég taldi að hún væri búin að uppfylla þær sóttvarnareglur sem giltu en síðan um leið og okkur var bent á að reglurnar væru með öðrum hætti þá brugðumt við strax við. Þá fór hún beint aftur á hótelið,“ segir Páll Ágúst Pálsson, lögmaður Ballarin.

Páll vill ekki svara því hvort Ballarin hafi hitt fleiri eða farið á fleiri staði þegar hún átti að vera í sóttkví.

Í fyrri útgáfu fréttarinnar birtust myndir af Ballarin á Te & kaffi í Borgartúni ásamt Gunnari Steini aðstoðarmanni hennar. Myndirnar voru birtar án leyfis höfundar og hafa að hans ósk verið fjarlægðar.


Tengdar fréttir

WOW Air hefur fraktflug

Flugfélagið WOW Air er væntanlegt í loftið að nýju en tilkynnt var á Facebooksíðu flugfélagsins að starfsemi væri hafin í fraktflutningum frá flugvellinum í Martinsburg í Vestur-Virginíu.

Endur­vekja Face­book-síðu WOW Air

Þetta er auðvitað ákveðið lífsmark með undirbúningsferlinu sem hefur staðið yfir í marga mánuði en hefur tekið lengri tíma en við áttum von á. WOW world er ákveðið hugtak sem við höfum verið að nota og þetta er vísbending um að fólk sé að hugsa stórt segir Gunnar Steinn Pálsson, almannatengill og talsmaður WOW Air.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
EIM
8,66
52
587.174
SYN
1,77
9
166.086
MAREL
1,76
72
1.047.578
REGINN
1,69
12
99.122
REITIR
1,68
4
12.322

Mesta lækkun dagsins


Félag
Br.%
Fjöldi
Velta*
BRIM
-0,88
3
9.830
ICESEA
-0,22
2
28.333
KVIKA
-0,16
16
286.717
ICEAIR
0
24
10.331
Velkomin á Vísi. Þessi vefur notar vafrakökur. Sjá nánar.