Veiði

Eystri Rangá komin yfir 8.000 laxa

Karl Lúðvíksson skrifar
Jónas Örn með lax númer 8.000 úr Eystri Rangá þetta árið. Gunnar veiðivörður tók vel á móti veiðimönnum í gær og var þessum áfanga fagnað.
Jónas Örn með lax númer 8.000 úr Eystri Rangá þetta árið. Gunnar veiðivörður tók vel á móti veiðimönnum í gær og var þessum áfanga fagnað. Mynd: KL

Eystri Rangá er komin í nýtt met en í gærkvöldi var laxi númer 8.000 landað í ánni sem er ennþá full af laxi og ennþá eru að veiðast bjartir laxar.

Lax númer 8.000 kom á land í Rimahyl og það var Jónas Örn Jónasson sem landaði honum ásamt 4 öðrum löxum úr þeim hyl á stuttum tíma. Svæði eitt og tvö eru neðstu svæðin í ánni en þar er ennþá fullt af laxi og sem dæmi um það voru alla vega 6 laxar veiddir á Bátsvaðinu í gær sem er neðsti staðurinn í ánni en þar er ennþá fullt af laxi.

Georg Andersen með flottann lax úr BátsvaðiMynd: KL

Dagurinn í gær gekk vel hjá flestum en undirritaður var þar ásamt nokkrum góðum vinum með þrjár stangir sem lönduðu 18 löxum við hrikalega erfið skilyrði. Það var ágætt veður til um klukkan ellefu en þá fór að hvessa allsvakalega og var vindstyrkur upp á 15-18 m sek með úrhellisrigningu það sem eftir lifði dags. Þrátt fyrir það tókst að veiða töluvert á flugu með mikilli eljusemi en þess má geta að Eystri var svo til tær í gær sem gerði það mögulegt að nota minni flugur en vaninn er í ánni.

Jóhann Axel þreytir lax við Bátsvað í gærMynd: KL

Það er ennþá mánuður eftir og það er ekkert ólíklegt að áinn fari í 9.000 laxa en það er ekki líklegt að fari yfir það en þó, maður veit aldrei. Ef veður verður sæmilegt í haust og áinn ekki lituð gæti það bara vel gerst. Í það minnsta er nóg af óveiddum laxi í ánni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.