Viðskipti innlent

Viðtökur lífeyrissjóða ráða úrslitum í hlutafjárútboði Icelandair

Heimir Már Pétursson skrifar
Icelandair stefnir að því að auka hlutafé félagsins um allt að 23 milljarða í hlutafjárútboði sem hófst í dag og lýkur síðdegis á morgun.
Icelandair stefnir að því að auka hlutafé félagsins um allt að 23 milljarða í hlutafjárútboði sem hófst í dag og lýkur síðdegis á morgun. Vísir/Vilhelm

Viðtökur lífeyrissjóðanna ráða miklu um hvernig tekst til í hlutafjárútboði Icelandair sem hófst í dag. Fjárfestar eru sagðir geta búist við sautján til fimmtíu pósenta árlegri ávöxtun næstu fjögur ár.

Síðasti kynningarfundur Icelandair fyrir fjárfesta vegna hlutfjárútboðs félagsins fór fram á hótel Natura í morgun. Félagið stefnir á að safna allt að 23 milljörðum í nýju hlutafé en Íslandsbanki og Landsbanki hafa núþegar tryggt kaup á hlutum fyrir samtals sex milljarða. Félagiðþarf því sjálft að afla 14 milljarða og þar getur áhugi lífeyrissjóða skipt sköpum.

Lífeyrissjóðirnir eru í sex efstu sætunum af sjö yfir eigendur Icelandair fyrir hlutafjárútboðið sem hófst í dag og lýkur á morgun.Grafík/ HÞ

Í dag eru lífeyirsjóðir tólf af tuttugu stærstu hluthöfum Icelandair þar sem Lífeyrissjóður verslunarmanna trónir á toppnum með 11,81 prósenta hlut en samanlagt eiga sjóðirnir 53,33 prósenta hlut í félaginu. Sjóðirnir eru öflugustu fjárfestar landsins og því skiptir áhugi þeirra áútboðinu sem lýkur klukkan fjögur á morgun miklu máli.

Bogi Nils Bogason forstjóri félagsins segir viðskiptalíkan þess og leiðarkerfi hafa sannað sig og mikil tækifæri í stöðunni.

Bogi Nils Bogason forstjóri Icelandair er bjartsýnn á framtíð Icelandair sem áætlir gera ráð fyrir að fari að skila hagnaði árið 2022.Vísir/Vilhelm

„Breytingar sem við erum að sjá hjá flugfélögum í kringum okkur munu fela í sér tækifæri fyrir okkar leiðarkerfi sem viðætlum að nýta okkur. Þannig að við teljum að fjárfesting í Icelandair Group geti faliðí sér ágæta ávöxtun á næstu árum. En að sjálfsögðu er alltaf áhætta í hlutabréfakaupum. Ekki síst í flugfélögum áþessum óvissutímum,“ sagði Bogi Nils ákynningarfundinum.

Samningar félagsins við ríkið, bankana, Boeing, lánadrottna og fleiri aðila eru háðir því að hlutafjárútboðið gangi upp. En aðþví gefnu og með fyrirvara um almenna áhættu í hlutafjárviðskiptum er það mat þeirra sem aðútboðinu standa að fjárfesting í félaginu geti gefið góða ávöxtun.

„Miðað viðþessar forsendur sem eru gefnar upp hér í næmitöflunni má gera ráð fyrir að væntinga ársávöxtun verði á bilinu sautján til fimmtíu prósent út árið 2024,“ sagði Svana Huld Linnet forstöðumaður fyrirtækjaráðgjafar Landsbankans. En hlutafjárútboðið fer fram rafrænt á heimasíðum Landsbankans, Íslandsbanka og Icelandair fram til klukkan fjögur á morgun.


Tengdar fréttir

Telja hluthafa í Icelandair geta fengið 17 til 50 prósenta ávöxtun

Á kynningarfundi Icelandair fyrir hlutafjárútboð félagsins sem hófst í morgun og líkur síðdefis á morgun kom fram að hluthafar gætu búist við sautján til fimmtíu prósenta ávöxtun að jafnaði á ári fram til ársins 2024. Áhugi lífeyrissjóðanna ræður miklu um hvernig til tekst í útboðinu.

Er á­stæða til að kaupa í Icelandair?

Í meira en 20 ár hefur stór hluti af minni vinnu verið að kynna og selja Ísland sem áhugaverðan áfangastað ferðamanna fyrir ferðaheildsölum og ferðaskrifstofum út um allan heim.

Icelandair mikilvægt í endurreisn Íslands

Uppgangur í flugi og ferðaþjónustu síðasta áratuginn hefur gjörbylt efnahagslífi landsins, skapað verðmæti og störf, bætt lífskjör og haft góð áhrif á byggðaþróun. Samfara hröðum vexti hafa verðmæti innviða aukist til muna.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×