Veiði

Besti tíminn fyrir sjóbirting framundan

Karl Lúðvíksson skrifar
Sjóbirtingur
Sjóbirtingur

Nú þegar síðustu dagarnir eru að renna sitt skeið í flestum laxveiðiánum mætti reikna með að veiðimenn séu farnir að pakka dótinu sínu saman en svo er aldeilis ekki.

Framundan næstu þrjár til fjórar vikurnar er sá veiðitími sem er að margra mati ekkert síður skemmtilegur en það er sá tími sem sjóbirtingsveiðin blómstrar. Við höfum þegar fengið nokkrar fréttir úr Tungufljóti og Tungulæk, sem og Vatnamótum og þeir sem hafa verið við veiðar gert fína veiði. Víða um land eru ár og vatnasvæði sem eru best á haustin og sum af þessum svæðum eru mjög umsetin og erfitt er að fá daga í þeim. 

Síðan eru nokkur svæði sem auðvelt er að skreppa í og eitt af þeim sem nýtur sífellt meiri vinsælda er Hraun í Ölfusi. Þar er hægt að gera mjög fína veiði á flugu á þessum tíma og leyfin eru ódýr. Við höfum áður greint frá því hvernig sé best að veiða þarna en til að rifja það upp er best að vera tvo til þrjá tíma fyrir háflóð og að liggjandanum. Veiða með sökklínu eða sökkenda og nota til dæmis Bizmo eða Sunray. Ekki vaða útí, þverkastaðu, mendaðu vel og láttu fluguna reka alveg upp að landi því hann tekur oft alveg í fjöruborðinu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.