Laxveiðitímabilið hófst í gær þegar fyrstu veiðimennirnir bleyttu færi við Urriðafoss í Þjórsá og opnunin gefur tilefni til bjartsýni fyrir komandi sumar.



Það hefur verið mikil eftirvænting eftir þessum fyrsta veiðidegi síðan fyrstu laxarnir fóru að sjást á svæðinu fyrir um hálfum mánuði síðan. Það hefur svo sem skeð áður að laxar hafi sýnt sig snemma og opnanir á veiðisvæðum ekki staðist þær væntingar sem til þeirra hafa verið gerðar en Urriðafoss við Þjórsá var klálega kominn í gang á fyrsta degi. Alls var landað 18 löxum á fjórar stangir og flestir þeirra rígvænir tveggja ára laxar en eins árs laxinn var með í aflanum líka sem veit á gott. Þetta er góð opnun á þessu vinsæla svæði og við bíðum spennt eftir frekari fregnum þaðan næstu daga.