Veiði

Kaldakvísl farin að gefa vænar bleikjur

Karl Lúðvíksson skrifar
Þær eru ansi vænar bleikjurnar í Köldukvísl
Þær eru ansi vænar bleikjurnar í Köldukvísl Mynd: Fish Partner

Það eru eflaust margir sem bíða spenntir eftir því að hálendisveiðin fari í almennilega í gang en það má nú samt komast í flotta veiði núna.

Ein af bestu bleikjuám landsins er Kaldakvísl en hún hefur lengi verið vinsæl hjá þeim sem sækjast í að áskorun og stórar bleikjur. Og það er engu logið með stórar bleikjur þarna en það er algengt að það veiðist á hverju sumri 6-8 punda bleikjur og þorrinn af því sem er að veiðast er 3-5 punda. Bleikjan væn og vel haldin enda er mikið æti á þessu vatnasvæði og veiðin getur verið góð allt tímabilið. Aðeins er veitt á flugu og þarna er öllum fiski sleppt.

Það er veitt frá ósum þar sem áin rennur í virkjunarlónið og vel upp eftir öllu. Á efri svæðunum er líka vænn urriði og landslag sem gerir alla veiðiupplifun þarna ansi magnaða. Þeir sem vilja veiða þetta svæði geta skoðað laus leyfi hjá Fishpartner.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.