Um fjörutíu prósent með rakningarappið

Sylvía Hall skrifar 27. ágúst 2020 14:35

Alma L. Möller landlæknir. Vísir/Vilhelm

Um það bil 40 prósent landamanna hafa sótt rakningarappið Rakning C-19 að sögn Ölmu Möller landlæknis. Stór hluti ferðamanna hafi einnig náð í appið svo hægt sé að rekja ferðir þeirra ef smit kemur upp.

Þetta kom fram á upplýsingafundi vegna kórónuveirufaraldursins í dag. Alma segir appið skipta sköpum þegar smit kemur upp, enda hjálpar það smitrakningarteyminu að rekja ferðir þeirra sem greinast með veiruna.

Hún hvetur alla til þess að sækja appið, enda geti minnið reynst gloppótt þegar kemur að því að rekja ferðir fólks aftur í tímann. Það geti jafnframt reynst sérstaklega erfitt þegar fólk finnur fyrir einkennum og er orðið tiltölulega veikt.

Verið er að skoða Bluetooth virkni sem myndi gagnast sérstaklega ef fólk er í margmenni. Google og Apple eru með þá lausn í þróun að sögn Ölmu.

Faraldur kórónuveiru (COVID-19)

Tengdar fréttir

Ferðamenn fái niðurstöður skimunar í gegnum appið

Stefnt er að því að koma niðurstöðum úr skimunum fyrir kórónuveirunni á landamærum hér á landi til ferðamanna í gegnum smitrakningarappið Rakning C-19.

10. júní 2020 14:51

Rakningarappið ekki valdið straumhvörfum í smitrakningu

Gestur Pálmason, einn af meðlimum smitrakningarteymis almavannavarna, telur að þó að smitrakningarforritið Rakning C-19 hafi reynst gagnlegt í nokkrum tilfellum hafi það ekki valdið straumhvörfum í starfi teymisins við það að rekja smit hér á landi.

12. maí 2020 11:21

Búið að ná í smitrakningaforritið 115 þúsund sinnum

Nú er búið að hlaða niður smitrakningaforriti landlæknis sem ber nafnið Rakning C-15 í 115 þúsund símtæki.

6. apríl 2020 14:17

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.