Veiði

Frábær veiði í Hlíðarvatni

Karl Lúðvíksson skrifar
Það eru flottar bleikjur í Hlíðarvatni við Selvog
Það eru flottar bleikjur í Hlíðarvatni við Selvog

Hlíðarvatn í Selvogi er eitt af þessum vötnum sem getur tekið smá tíma að læra á en þegar þú kemst í takt við vatnið er það mjög gjöfult á góðum degi.

Þeir sem hafa verið við vatnið undanfarið hafa margir gert aldeilis fína veiði og bleikjan er væn og vel haldin. Algengasta stærðin er eitt til tvö pund en inn á milli hefur þriggja og fjögurra punda bleikjan verið í mun meira magni en síðustu ár. Við höfum aðeins verið að hlera veiðimenn og það er eiginlega alveg sama á hvaða svæði er verið að kanna frétta, veiðin hefur heilt yfir verið mjög góð þrátt fyrir heldur kalda og vindasama daga inn á milli. Það er ennþá hægt að komast að á nokkrum svæðum og fyrir þá sem hafa ekki prófað vatnið verður að segjast eins og er að það er eiginlega skylda að prófa það. Bæði er það stutt frá bænum, veiðin góð, veiðihúsin fín og umhverfið sérlega yndislegt.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.