Bílar

Tesla mest seldi bíll ársins á Íslandi

Kristinn Ásgeir Gylfason skrifar
Tesla Model 3 er vinsælasti bíll Tesla á Íslandi.
Tesla Model 3 er vinsælasti bíll Tesla á Íslandi. Vísir/Getty

Tesla hóf í febrúar afhendingu á fyrstu bílum framleiðandans síðan umboð var formlega opnað hérlendis í lok síðasta árs. Tesla hefur nú nýskráð 396 bíla það sem af er árinu 2020 sem er meira en nokkur annar framleiðandi getur státað af.

Afrek Tesla er enn stærra þegar tölfræðin er skoðuð betur, í mars nýskráði Tesla 384 bíla sem er næstum því þrefalt meira en næsti framleiðandi. Tölurnar eru fengnar af vef Samgöngustofu.

Tesla trónir á toppi nýrra bíla á götum landsins á árinu. Samgöngustofa

Toyota hefur nýskráð 370 bíla það sem af er ári. Í mars nýskráði Toyota hins vegar 134 bíla, rétt rúmlega þriðjung af þeim fjölda sem Tesla skráði.

Megnið af þeim bílum sem Telsa hefur skráð eru af gerðinni Model 3.

Sjá einnig: Íslendingar eru ólmir í umhverfisvænni samgöngumáta.

Það sem af er ári hafa 2766 fólksbílar verið nýskráðir á Íslandi. Af þeim eru 396 bílar framleiddir af Tesla, eða rúm 14%.

Fleiri rafmagnsbílar en bensínbílar

Þegar nýskráning eftir orkugjöfum er skoðuð er afar áhugavert að sjá að rafmagnsbílar hafa tekið fram úr bensínbílum á árinu. Díselbílar eru enn á toppnum með 976 nýskráða bíla, 841 rafbíll hefur verið skráður og 784 bensínbílar.

Ef vistvænni kostir eru skoðaðir, það er tengiltvinn og metan bílar auk hreinna rafbíla, þá hefur vistvæni flokkurinn vinninginn með 1674 bíla nýskráða það sem af er ári. Til samanburðar má geta þess að 1178 rafbílar voru nýskráðir allt árið í fyrra.


Tengdar fréttir

Tesla: Íslendingar eru ólmir í umhverfisvænni samgöngumáta

Telsa hóf nýverið að afhenda fyrstu bílana á Íslandi sem keyptir eru í gegnum umboðið sem opnaði seint á síðasta ári. Að sögn Even Sandvold Roland, samskiptafulltrúa Tesla í Noregi hefur Tesla fundið fyrir umtalsverðan áhuga á bílunum sínum hérlendis.

Tesla hefur framleitt milljón bíla

Elon Musk, framkvæmdastjóri Tesla sagði á Twitter á dögunum að Tesla hefði framleitt sinn milljónasta bíl. Það var þessi rauða Model Y bifreið sem sjá má á myndinni hér að ofan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.