Bílar

Tesla: Íslendingar eru ólmir í umhverfisvænni samgöngumáta

Kristinn Ásgeir Gylfason skrifar
Tesla Model 3 er vinsælasti bíll Tesla á Íslandi.
Tesla Model 3 er vinsælasti bíll Tesla á Íslandi. Vísir/Getty

Telsa hóf nýverið að afhenda fyrstu bílana á Íslandi sem keyptir eru í gegnum umboðið sem opnaði seint á síðasta ári. Að sögn Even Sandvold Roland, samskiptafulltrúa Tesla í Noregi hefur Tesla fundið fyrir umtalsverðan áhuga á bílunum sínum hérlendis.

„Við höfum fundið fyrir umtalsverðum áhuga síðan við komum inn á íslenska markaðinn seint á síðasta ári. Það er greinilegt að Íslendingar eru ólmir í að skipta í umhverfisvænni samgöngur, við erum að gera allt hvað við getum til að aðstoða við að það gangi sem allra best. Við erum stolt af því að bjóða upp á bíla með mikla drægni, mikið öryggi, rúmgott innra rými og rafbíl sem er fjórhjóladrifinn og ræður við síbreytileg akstursskilyrði,“ sagði Roland í samtali við Vísi.

Aðspurður hvort áhuginn hafi komið á óvart svaraði Roland að áhuginn hefði komi skemmtilega á óvart.

„Já það hefur komið okkur skemmtilega á óvart hversu mikil spenna er fyrir Tesla á Íslandi. Fólk um allt landið virðist forvitið og jákvætt gagnvart nýrri tækni og spennt að prófa nýjar leiðir að hlutunum. Lykilatriði þegar kemur að Teslu bifreiðum er samþætting við tækni sem er ætlað að gera bílana öruggari og auðvelda líf viðskiptavina okkar.“

Það vakti mikla athygli hérlendis þegar loks kom að því að hægt var að panta Tesla bifreiðar til afhendingar hérlendis. Kaupferlið þótti þægilegt og var að einhverra mati einfaldara en að panta pizzu. Það vakti því forvitni blaðamanns hvort mikill afföll hefðu orðið af upphaflegum pöntunum. Roland sagði svo ekki vera.

„Viðskiptavinir okkar eru almennt að klára kaupferlið,“ sagði hann. Roland vildi þó ekki gefa upp neinar tölur um selda bíla eða afhenta.

Sama úrval af bílum er í boði á Íslandi og á öðrum evrópskum mörkuðum þar sem Tesla er til staðar. Framboðið felur í sér Model 3, Model S og Model X. Seinni tveir bílarnir eru lúxus bílar, á meðan Model 3 er hagkvæmari kostur. Model 3 er vinsælasti bíllinn frá Tesla á Íslandi að sögn Roland. Model 3 býður góða aksturseiginleika og mikla drægni fyrir hagkvæmt verð. Viðskiptavinir sem vilja það allra besta geta valið Model S eða Model X.

Þá bætti Roland við að lokum að „mikill áhuga væri á langdrægu útgáfunni af Model 3. Sú útgáfa er með meiri drægni, fjórhjóladrifi og uppfærðri útgáfu af innréttingu, miðað við útgáfuna með staðlaða drægni.“


Tengdar fréttir

Tesla hefur framleitt milljón bíla

Elon Musk, framkvæmdastjóri Tesla sagði á Twitter á dögunum að Tesla hefði framleitt sinn milljónasta bíl. Það var þessi rauða Model Y bifreið sem sjá má á myndinni hér að ofan.

Tesla með tvær nýjar ofurhleðslustöðvar á árinu

Rafbílaframleiðandinn Tesla hóf formlega innreið sína á íslenska markaðinn í fyrra. Þá hóf fyrirtækið einnig að bjóða aðgang að ofurhleðslustöð við Krókháls, þar sem sýningarsalur framleiðandans er.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.