Bílar

Tesla hefur framleitt milljón bíla

Kristinn Ásgeir Gylfason skrifar
Milljónasti bíll Tesla var samkvæmt Elon Musk þessi rauði Model Y.
Milljónasti bíll Tesla var samkvæmt Elon Musk þessi rauði Model Y. Vísir/Elon Musk Twitter

Elon Musk, framkvæmdastjóri Tesla sagði á Twitter á dögunum að Tesla hefði framleitt sinn milljónasta bíl. Það var þessi rauða Model Y bifreið.
Tesla var stofnað árið 2003 af Martin Eberhard og Marc Tarpenning í Kaliforníu í Bandaríkjunum. Það tók fyrirtækið því 17 ár að ná milljón bíla markinu. Elon Musk gekk til liðs við fyrirtækið árið 2004.

Tesla hefur nýlega hafði afhendingar á fyrstu bílunum til Íslendinga og mikil spenna ríkir meðal margra sem bíða bílanna sinna. Formlegar sölutölur verða ekki gefnar upp samkvæmt þeim svörum sem blaðamaður fékk þegar hann fór þess á leit við Tesla. Þær verða gerðar aðgengilegar um næstu mánaðamót eins og venja er.



Roadster var fyrsti bíllinn sem Tesla framleiddi, hann var fyrst seldur árið 2008. Model S kom svo í kjölfarið árið 2012. Þar á eftir kom Model X árið 2015 og svo Model 3 árið 2017. Telsa hóf svo smíði á Model Y bílnum á þessu ári, afhendingar á Model Y eiga að hefjast fljótlega í Bandaríkjunum. Tesla vill augljóslega að gerðinar myndi orðið „Sexy“ eða kynþokkafullt. Þó með 3 sem E.

Tesla vinnur nú að smíði annarrar kynslóðar af Roadster sportbílnum sem og Cybertruck jeppanum.

Á síðasta ári hófst bygging þriðju Gígaverskmiðju Tesla í Kína. Sú fjórða verður svo byggð rétt utan við Berlín í Þýskalandi. Það má því vænta þess að smíði næstu milljón bíla muni taka skemmri tíma en smíði fyrstu milljón bílanna.


Tengdar fréttir

Peugeot 208 er bíll ársins 2020 í Evrópu

Peugeot 208 fékk afgerandi flest stig í kjöri evrópskra bílablaðamanna á bíl ársins 2020. Hann fékk 281 stig á meðan Tesla Model 3 fékk 242 og Porsche Taycan fékk 222 stig. Það var því ekki við neina aukvisa að etja.

Var í tölvuleik þegar Tesla-jepplingur ók á vegatálma

Rannsóknarnefnd samgönguslysa í Bandaríkjunum hefur komist að þeirri niðurstöðu að maður sem dó í bílslysi á Tesla-jeppling fyrir tveimur árum, var að spila tölvuleik í síma sínum þegar slysið varð.

Tesla með tvær nýjar ofurhleðslustöðvar á árinu

Rafbílaframleiðandinn Tesla hóf formlega innreið sína á íslenska markaðinn í fyrra. Þá hóf fyrirtækið einnig að bjóða aðgang að ofurhleðslustöð við Krókháls, þar sem sýningarsalur framleiðandans er.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.