Viðskipti erlent

Vilja flytja eldislax á markað með tómum farþegaþotum

Kristján Már Unnarsson skrifar
Frá fiskeldiskvíum í Noregi.
Frá fiskeldiskvíum í Noregi. getty/Artur Widak

Norsk laxeldisfyrirtæki kanna nú hvort nota megi tómar farþegaþotur til að koma ferskum laxi á markað með flugi. Fyrirtækið Firda Seafood, sem er með höfðustöðvar norðan Bergen, stendur fyrir þessu ásamt fleirum í geiranum en þau leita leiða til tryggja að afurðir þeirra komist áfram á markað, þrátt fyrir að farþegaflug falli niður, en fiskútflytjendur hafa getað nýtt hluta farangursrýmis farþegavéla.

Ein hugmyndin er einfaldlega að fylla farangursrými flugvélanna með laxi og silungi, að því er norskir fjölmiðlar greina frá í gær. Þrátt fyrir hremmingar á hlutabréfamörkuðum vegna kórónufaraldurs hefur verð á eldislaxi haldist stöðugt og hátt, í kringum 68 norskar krónur kílóið, eða um 900 krónur íslenskar. 

„Auðvitað fylgir þessu kostnaður en á sama tíma hrópar markaðurinn á fiskinn. Okkar tilfinning er að viðskiptavinir séu tilbúnir að sætta sig við verðhækkun, að minnsta kosti ef við deilum aukakostnaði við flug,“ segir Ola Braanaas, forstjóri Firda Seafood í samtali við Finansavisen. 

Firda Seafood seldi sjávarafurðir fyrir um einn milljarð norskra króna á síðasta ári. Milli 10 og 20 prósent voru flutt út frá Noregi með flugi og núna óttast forstjórinn að brenna inni með ferskan lax, þegar verið er að aflýsa stórum hluta flugferða.

Haft er eftir Martin Langaas, framkvæmdastjóra fraktmála hjá í Avinor, hins norska Isavia, að eftirspurn eftir vöruflutningaflugi hafi rokið upp um allan heim undanfarna daga. 

„Það hefur orðið mikil aukning. Vandamálið fyrir útflytjendur sjávarafurða er að verð sem þeir hafa verið vanir að greiða fyrir fraktflug gæti hækkað verulega. Það eru svo margir sem eru tilbúnir að borga meira fyrir flugfrakt en það sem norskir fiskútflytjendur hafa verið að greiða,“ segir Langaas. 

Hann segist vera meðvitaður um að nokkur flugfélög íhugi að fljúga tómum farþegaflugvélum bara til að koma vörum á milli staða. Hins vegar gæti slíkur flutningur þurft að kosta þrefalt meira en venjulega.


Tengdar fréttir

Farþegaflugið býr til nýja fiskmarkaði

Beint samhengi er á milli fjölgunar heilsársflugleiða frá Keflavíkurflugvelli og nýrra markaða fyrir fisk. Góðar flugtengingar gjörbreyta landfræðilegri stöðu Íslands. Vanmetið hvað flugvöllurinn hefur skapað mikið fyrir sjávarútveg

Sandgerði að eflast sem bær "flugfisks“

Þrjú ný fiskvinnslufyrirtæki hafa orðið til í Sandgerði á einu ári sem öll eiga það sammerkt að sérhæfa sig í fiski sem sendur er samdægurs með flugi til útlanda.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
TM
3,52
1
14.700
ARION
3,52
9
102.130
MAREL
2,91
27
384.650
SJOVA
2,74
5
45.160
VIS
2,6
11
202.224

Mesta lækkun dagsins


Félag
Br.%
Fjöldi
Velta*
ICEAIR
-1,37
42
18.602
KVIKA
-0,95
6
13.350
REITIR
0
1
2.500
Velkomin á Vísi. Þessi vefur notar vafrakökur. Sjá nánar.