Viðskipti erlent

Flugfélög búi sig undir þúsunda milljarða högg

Stefán Ó. Jónsson skrifar
Flugfélög þurfa að búa sig undir dýfu.
Flugfélög þurfa að búa sig undir dýfu. Getty/ Paula Bronstein

Alþjóðasamtök flugfélaga, IATA, óttast að yfirstandandi útbreiðsla kórónuveirunnar verði flugfélögum heimsins þungur baggi. Ný úttekt samtakanna ber með sér að miðað við núverandi útbreiðslu megi ætla að tekjur flugfélaga dragist saman um 63 milljarða dala, rúmlega 8000 milljarða króna. Tapið geti þó orðið tvöfalt meira, takist ekki að stemma stigu við útbreiðslunni.

IATA fylgist nú náið með kórónuveirunni sem hefur haft áhrif á ferðavenjur fólks, og um leið flugsamgöngur, allt frá fyrsta smiti. Til að mynda var eitt fyrsta úrræði sem kínversk stjórnvöld gripu til í baráttu sinni við útbreiðsluna að takmarka verulega hópferðir Kínverja. Það eru því ekki nema tvær vikur síðan IATA sendi síðast frá sér spá um vænt áhrif útbreiðslunnar á flugfélög heimsins.

Sú bar með sér að tapið gæti numið næstum 30 milljörðum dala, um 4000 milljörðum króna, en sú áætlun gerði ráð fyrir að kórónuveiran myndi einna helsta hafa áhrif á markaði sem tengist flugsamgöngum í og við Kína. IATA telur hins vegar að sú spá sé úrelt með öllu enda hefur kórónuveiran nú greinst í rúmlega 80 löndum. Áhrif veirunnar á flugsamgöngur verði því umtalsvert meiri en upphaflega var óttast.

Áhrifin eru þegar komin fram; virði hlutabréfa í flugfélögum hafa að meðaltali fallið um fjórðung síðan að faraldurinn hófst og þá lagði breska flugfélagið Flybe upp laupana í morgun. Kórónuveiran veitti þar náðarhöggið eftir þungan rekstur undanfarna mánuði.

IATA taldi því rétt að uppfæra spár sínar og kynntu samtökin niðurstöður sínar í morgun. Tap flugfélaga verði líklega um tvöfalt meira en upphaflega var gert ráð fyrir, að því gefnu að kórónuveiran breiðist ekki mikið meira út en hún hefur nú þegar gert.

Takist það hins vegar ekki megi flugfélög, sem starfa á mörkuðum þar sem nú þegar hafa greinst hið minnsta 10 smit, vænta þess að tapið verði nær 113 milljörðum dala, næstum 14.500 milljarðar króna. Það jafngildir um fimmtungi allra farþegatekna á heimsvísu. Höggið yrði sambærilegt samdrættinum sem fylgdi alþjóðulegu fjármálakreppunni fyrir rúmlega áratug.

Nánar má fræðast um aðferðafræði og forsendur IATA í skýrslu samtakanna, sem má nálgast hér.


Tengdar fréttir

Flybe farið á hausinn

Allar flugvélar breska flugfélagsins Flybe hafa verið kyrrsettar og félagið verið lýst ógjaldfært.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
1,63
4
580
VIS
1,07
3
22.680
ICESEA
0,65
1
4.235
HEIMA
0
1
1.554

Mesta lækkun dagsins


Félag
Br.%
Fjöldi
Velta*
HEIMA
0
1
1.554
Velkomin á Vísi. Þessi vefur notar vafrakökur. Sjá nánar.