Veiði

Áfram mokveiði í Eystri Rangá

Karl Lúðvíksson skrifar
Þessi 82 sm hrygna veiddist í Eystri Rangá í gær og var sleppt að viðureign lokinni.
Þessi 82 sm hrygna veiddist í Eystri Rangá í gær og var sleppt að viðureign lokinni. Mynd: KL

Eystri Rangá er komin vel yfir 5.000 laxa og stefnir hraðbyr í 6.000 laxa í þessari viku en veiðin þar síðustu daga er búin að vera ótrúleg.

Það er alveg sama hvaða svæði er dregið um því það er lax alls staðar og nóg af honum. Holl sem var við veiðar í gær landaði um 150 löxum á fluguna og var veiðin fantagóð á öllum svæðum. Það eru ennþá kröftugar göngur í ánna sem sést best á því að meira og minna allur laxinn sem kom á land í gær var bjartur og fallegur sem og töluvert af honum með lús.

Maðka og spúnaveiði hefst á morgun og þá verður veiðin síst minni en nýjar veiðireglur sem taka gildi í maðka og spúnahollinu eru á þann veg að aðeins má hirða fimm laxa á vakt og eftir það skal veitt og sleppt. Það á eftir að taka meðal veiðimann hálfa vakt að ná þessum kvóta eða minna á maðk eða spún þegar fluguveiðimenn eru að gera það á svipuðum tíma eða jafnvel minna. Dæmi um þetta var stöng í gær sem landaði 11 löxum á rétt tæpum tveimur tímum. Við erum búin að spá því að 10.000 laxar á land úr ánni í sumar sé bara alls ekki óraunhæft haldist áinn óskoluð og við getum með sanni sagt að þið sem eruð á leiðinni í Eystri Rangá hafið líklega aldrei séð annað eins!



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.