Skapari Lego-kallsins er látinn
Daninn Jens Nygaard Knudsen, maðurinn sem skapaði Lego-kallinn, er látinn, 78 ára að aldri.
Danskir fjölmiðlar greindu frá þessu í morgun og höfðu eftir eiginkonu hans Marianne Nygaard Knudsen.
TV2 greinir frá því að Nygaard Knudsen hafi andast á líknardeildinni Anker Fjord Hospice þann 19. febrúar en hann hafði glímt við taugahrörnunarsjúkdóminn ALS.
Jens Nygaard Knudsen skapaði hinn gula Lego-kall á áttunda áratugnum, en á heimasíðu Lego segir að hann hafi verið með um fimmtíu ólíkar hugmyndir um útlit kallsins áður en útlitið sem allir þekkja varð fyrir valinu.
Hann starfaði hjá Lego fram til ársins 2000.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
