Viðskipti erlent

Buffett búinn að skipta út samlokusímanum

Tryggvi Páll Tryggvason skrifar
Warren Buffett í símanum.
Warren Buffett í símanum. Vísir/Getty

Bandaríski milljarðamæringurinn og fjárfestirinn Warren Buffett viðurkenndi í viðtali á mánudaginn að hann væri búinn að skipta samlokusímanum sínum út fyrir nýjustu gerð af iPhone-síma Apple.

Fyrir utan það að vera þekktur sem einn ríkasti maður heims er bandaríski fjárfestirinn einnig þekktur fyrir að lifa tiltölulega hófsamlega. Þannig hefur verið gert grín að því að Buffett, sem er þriðji ríkasti maður heims samkvæmt lista Forbes, hafi gjarnan notað ódýran samlokusíma til þess að hringja símtöl, nánar tiltekið þennan.

En ekki lengur. Í viðtali við CNBC í vikunni sagði Buffett að samlokusíminn væri úr sögunni og í stað hans væri hann farinn að nota iPhone 11 síma frá Apple en fjárfestingafélag Buffett á einmitt stóran hlut í bandaríska tæknirisanum. Þannig hafi Tim Cook, forstjóri fyrirtækisins, lengi reynt að fá hann til að nota iPhone og nú virðist sem að honum hafi tekist ætlunarverkið.

„Þú ert að horfa á 89 ára gamlan mann sem veit varla hvernig hann virkar,“ sagði Buffett um nýja símann sinn sem hann sagðist eingöngu nota sem síma.


Tengdar fréttir

Ótrúlegar villur þeirra ríkustu

Bill Gates, Mark Zuckerberg, Jeff Bezos, Elon Musk, Oprah Winfrey og fleiri eru með þeim ríkustu í heiminum. Með miklum fjármunum fylgir oft dýr lífstíll.

Warren Buffett viðurkennir mistök

Berkshire Hathaway greiddi of mikið fyrir Kraft við sameiningu við Heinz. Buffett segir að matvælarisinn hafi ekki lengur sömu góðu samningsstöðuna gagnvart smásölum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
3,54
10
39.490
EIM
2,13
2
415
ICEAIR
1,93
52
21.975
VIS
1,63
6
121.858
SJOVA
0,62
2
9.586

Mesta lækkun dagsins


Félag
Br.%
Fjöldi
Velta*
TM
-5
4
85.650
EIK
-2,99
2
1.954
ARION
-2,61
9
54.103
BRIM
-1,72
1
612
REGINN
-1,11
2
62.303
Velkomin á Vísi. Þessi vefur notar vafrakökur. Sjá nánar.