Sara Rún með 17 stig í óvæntu tapi

Sara Rún Hinriksdóttir skoraði 17 stig er lið hennar, Leicester Riders, tapaði óvænt fyrir Durham Palatinates í efstu deild breska körfuboltans í dag. Lokatölur 77-68 Palatinates í vil.

Sara Rún lék alls 33 mínútur í leiknum. Gerði hún 17 stig ásamt því að taka átta fráköst og eiga tvær stoðsendingar. Dugði það ekki til þar sem Riders töpuðu leiknum með 11 stiga mun. Var þetta aðeins annað tap þeirra á leiktíðinni.

Sara Rún og stöllur hennar halda því enn toppsæti deildarinnar en Sevenoaks Suns eru í 2. sæti með tvo leiki til góða.