Veiði

Mikið af sjóbirting við Lýsu

Karl Lúðvíksson skrifar
Sjóbirtingur
Sjóbirtingur Mynd: Vísir

Það er kannski ekki alveg kominn tími á sjóbirtinginn en við erum engu að síður að fá fréttir af nokkrum minni svæðunum og þar gengur vel.

Vatnasvæði Lýsu virðist til að mynda vera ansi líflegt en eftir rigningar síðustu viku virðist vera fiskur út um allt. Það er mikið af 1-3 punda birting og inná milli liggja síðan laxar og mun víðar en vanalega samkvæmt vönum mönnum. Að sama skapi erum við að fá fréttir af fyrstu birtingunum í Leirá og síðan er búin að vera fín veiði á Hrauni í Ölfusi. Þeir sem hafa átt leið um Varmá segja að þar sé mikið af sjóbirting en mest af honum er 1-3 pund. Inná milli sjást þó stærri fiskar en fyrir þá sem vilja læra á Varmánna er frábært að kasta á minni sjóbirtinginn því hann getur verið mun tökuglaðari en stærri fiskurinn. 

Það verður spennandi að sjá hvernig göngurnar verða síðan  þegar aðaltíminn byrjar en ef þetta gefur forsmekkinn af því gæti sjóbirtingsveiðin orðið flott í haust.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.