Erlent

Norðmaður handtekinn fyrir njósnir

Samúel Karl Ólason skrifar
Lögregluþjónar að störfum í Noregi.
Lögregluþjónar að störfum í Noregi. EPA/Fredrik Varfjell

Norska öryggislögreglan (PST) hefur handtekið mann sem sakaður er um njósnir fyrir annað ríki. Hann var handtekinn á laugardaginn og er sakaður um að hafa fært útsendurum leynilegar upplýsingar sem gætu skaðað þjóðarhagsmuni Noregs.

Maðurinn, sem sagður er vera á sextugsaldri og upprunalega frá Indlandi, samkvæmt heimildum NRK, verður færður fyrir dómara í dag. Ekki liggur fyrir að svo stöddu fyrir hvaða ríki maður á að hafa njósnað.

Í tísti frá PST segir að maðurinn hafi verið ákærður í tveimur liðum en báðir snúa að njósnum og að leka ríkisleyndarmálum. Maðurinn á yfir höfði sér að vera dæmdur í allt að fimmtán ára fangelsi.

Noregur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið