Viðskipti erlent

Danir innkalla íslenskt súkkulaði

Kristín Ólafsdóttir skrifar
Súkkulaðið sem innkallað var í Danmörku.
Súkkulaðið sem innkallað var í Danmörku. Nói Síríus

Danski verslunarrisinn Coop hefur innkallað súkkulaði frá íslensku sælgætisverksmiðjunni Nóa Síríusi vegna hættu á að plast hafi borist í súkkulaðiplötur.

Í frétt DR um málið segir að súkkulaðið sé framleitt á „eldfjallaeyjunni“ en selt um alla Danmörku í verslunum Irma, sem heyra undir Coop. Viðskiptavinum sem kunna að hafa keypt umrætt súkkulaði frá Nóa Siríusi, 100 gramma mjólkursúkkulaðiplötu með íslensku sjávarsalti og karamellu, er bent á að hægt sé að skila því í allar Irma-verslanir og fá endurgreitt.

Þá beinir danska matvælastofnunin því til neytenda að borða ekki súkkulaðið þar sem ekki sé hægt að útiloka að blátt plast hafi borist í það við framleiðslu á Íslandi.

Hið sama var uppi á teningnum í síðustu viku þegar Nói Síríus innkallaði þrjár tegundir af súkkulaði hér á landi. Um var að ræða tvær stærðir af hreinu Síríus Rjómasúkkulaði og eina stærð af Síríus Suðusúkkulaði.

„Plastið sem kann að hafa farið í súkkulaðið er ýmist blátt eða bleikt að lit og ætti því að vera sjáanlegt neytendum þegar varan er opnuð. Tekið skal fram að umræddur vélbúnaður hefur verið lagfærður og því um einangrað tilvik að ræða,“ sagði í tilkynningu Nóa Síríusar á föstudag.


Tengdar fréttir




Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HEIMA
4,76
1
154
BRIM
1,82
7
315.738
REITIR
0,56
2
17.880
SJOVA
0,25
3
4.814
ORIGO
0,16
1
23

Mesta lækkun dagsins


Félag
Br.%
Fjöldi
Velta*
ICEAIR
-7,61
7
473
LEQ
-1,51
1
2.387
MAREL
-1,27
5
168.910
SYN
-0,41
1
244
ICESEA
0
1
18
Velkomin á Vísi. Þessi vefur notar vafrakökur. Sjá nánar.