Viðskipti innlent

Hali út af Vestfjörðum mest sótta gullkista Íslandsmiða

Kristján Már Unnarsson skrifar
Dökki flekkurinn út af Vestfjörðum, Halamið, er sá veiðistaður við Ísland sem fiskiskipaflotinn sótti mest á árið 2018.
Dökki flekkurinn út af Vestfjörðum, Halamið, er sá veiðistaður við Ísland sem fiskiskipaflotinn sótti mest á árið 2018. Kort/Hafrannsóknastofnun.

Halamið út af Vestfjörðum eru eftirsóttustu fiskimið við Ísland, samkvæmt nýrri vefsíðu Hafrannsóknastofnunar um dreifingu veiða á Íslandsmiðum. Þetta kom fram í fréttum Stöðvar 2. 

Vefsíðan sýnir hvaða mið íslenski fiskiskipaflotinn sækir eftir veiðarfærum. Með því að haka í viðkomandi reit má sjá fiskibotnvörpu, humarvörpu, rækjuvörpu, dragnót, plóg, línu, net og færi, hvort sem er eitt eða fleiri veiðarfæri saman. 

Kortið er byggt á samþættingu gagna úr rafrænum afladagbókum skipstjóra og upplýsingum um staðsetningu fiskiskipa, samkvæmt Vaktstöð siglinga fyrir árið 2018. Einar Hjörleifsson, sjávarlíffræðingur hjá Hafrannsóknastofnun, tekur fram að vefsíðan eigi eftir að þróast áfram og hafa verði fyrirvara um samanburð milli veiðarfæra.

Kortið sýnir dreifingu veiða eftir helstu veiðarfærum árið 2018. Kort/Hafrannsóknastofnun.

Eftir því sem línurnar verða þéttari og litirnir dekkri á kortinu, - þeim mun meiri sókn á hverju svæði. Röndin á Vestfjarðamiðum vekur athygli, sérstaklega dökki flekkurinn en það eru svokölluð Halamið. Kortið segir þá sögu að þetta eru eftirsóttustu fiskimið Íslands, og líklega þau verðmætustu.

En það má líka sjá áberandi rauða flekki úti fyrir Eyjafirði, eftirsótt mið eru greinilega í kringum Grímsey og Kolbeinsey, sterk rækjumið sjást hér á Skjálfandadjúpi. Kortið sýnir líka þau veiðihólf sem eru friðuð.

Öflug fiskimið út af Austfjörðum koma vel fram. Þá sést hvað landgrunnskanturinn undan Suðausturlandi hefur mikla þýðingu fyrir fiskveiðar. Hann birtist eins og sterk lína.

Fiskimið suður og austur af Vestmannaeyjum fylgja líka landgrunnskantinum og Selvogsbanki kemur sterkur inn. Dökkir flekkir sjást líka vel undan Reykjanesi, til dæmis undan Grindavík og Sandgerði.

Faxaflói er líka þéttur og dökkir flekkir sjást á Breiðafirði og sérstaklega undan Snæfellsjökli. 

Þetta rafræna kort staðfestir í raun það að forfeður okkar vissu vel hvað þeir voru að gera þegar þeir völdu staðina til að byggja upp öflugustu verstöðvar Íslands.

Hér má sjá frétt Stöðvar 2:



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Engar hækkanir skráðar í dag

Mesta lækkun dagsins


Félag
Br.%
Fjöldi
Velta*
ICEAIR
-9,69
65
199.816
SIMINN
-4,23
20
454.624
VIS
-4,09
22
264.507
SJOVA
-3,82
18
122.962
SKEL
-3,41
9
101.385
Velkomin á Vísi. Þessi vefur notar vafrakökur. Sjá nánar.