Viðskipti erlent

Enn fjölgar gervihnöttum SpaceX

Samúel Karl Ólason skrifar
Markmið SpaceX er að koma gífurlegum fjölda Starlink-gervihnatta á braut um jörðu.
Markmið SpaceX er að koma gífurlegum fjölda Starlink-gervihnatta á braut um jörðu. Vísir/SpaceX

Starfsmenn SpaceX skutu í nótt á loft 60 nýjum Starlink-gervihnöttum. Að þessu sinni var búið að þekja einn af smáu gervihnöttunum 60 með dökkum lit til að draga úr áhyggjum stjörnufræðinga sem óttast að þegar SpaceX verði búið að setja þúsundir gervihnatta á braut um jörðu muni það torvella athuganir á alheiminum og spilla næturhimninum.

Markmið SpaceX er að koma gífurlegum fjölda Starlink-gervihnatta á braut um jörðu. Nota á þessa gervihnetti til að veita aðilum á jörðu niður aðgang að internetinu. Nú eru 180 slíkir gervihnettir komnir á loft.

Eins og áður segir er einn af þessum 180 gervihnöttum þakin dökkri málningu og stendur til að bera hann saman við hina. Stjörnufræðingar segja bjarta ljósið sem gervihnettirnir endurvarpa til jarðarinnar koma niður á sýnileika fjarlægra stjarna og þar að auki mynda þeir rákir á myndum sem teknar eru af næturhimninum.

Sjá einnig: Óttast að ofgnótt gervitungla spilli næturhimninum



Í samtali við AP fréttaveitunna segir Jeff Hall, sem stýrir nefnd Geimvísindaráðs Bandaríkjanna um ljósmengun, geimrusl og útvarpstruflanir, að það sé skref í rétta átt að dekkja gervihnettina. Enn sé of snemmt að vita hvort það virki en það sé þrátt fyrir það einungis fyrsta skrefið og ekki nægjanlegt til að koma í veg fyrir þau vandamál sem munu fylgja gervihnöttunum.

Horfa má á geimskotið hér að neðan.






Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SKEL
2,5
2
359
MAREL
1,72
43
880.689
ORIGO
1,18
7
175.398
HAGA
0,93
14
268.846
ARION
0,8
26
736.369

Mesta lækkun dagsins


Félag
Br.%
Fjöldi
Velta*
SYN
-0,95
4
33.525
KVIKA
-0,92
25
320.352
EIM
-0,67
3
15.351
ICEAIR
-0,61
81
102.831
REITIR
-0,57
11
151.147
Velkomin á Vísi. Þessi vefur notar vafrakökur. Sjá nánar.