Innlent

Alma fær frí á hundraðasta fundinum

Stefán Ó. Jónsson skrifar
Víðir Reynisson og Þórólfur Guðnason stýra 100. fundi almannavarna.
Víðir Reynisson og Þórólfur Guðnason stýra 100. fundi almannavarna. Vísir/Vilhelm

Boðað hefur verið til upplýsingafundar í dag vegna kórónuveirufaraldursins. Þetta er hundraðasti fundurinn sem almannavarnadeild ríkislögreglustjóra og embætti landlæknis hafa  haldið frá því í lok febrúar. 

Þrír munu halda tölu og sitja fyrir svörum á fundinum. Víðir Reynisson yfirlögregluþjónn og Þórólfur Guðnason sóttvarnalæknir munu fara yfir stöðu mála í faraldrinum hér á landi. Alma Möller landlæknir fær hins vegar frí í dag.

Gestur þeirra Víðis og Þórólfs á fundinum verður Már Kristjánsson, yfirmaður smitsjúkdómadeildar á Landspítalanum. 

Fundurinn hefst venju samkvæmt klukkan 14:03 og verður hann í beinni útsendingu á Vísi, sjónvarpsstöðinni Stöð 2 Vísi og á Bylgjunni.

Faraldur kórónuveiru (COVID-19) Samkomubann á Íslandi Almannavarnir Heilbrigðismál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið