Veiði

Misjöfn veiði í Þingvallavatni

Karl Lúðvíksson skrifar
Veiðimenn tala um að sumarið sé lélegt í bleikjunni við Þingvallavatn
Veiðimenn tala um að sumarið sé lélegt í bleikjunni við Þingvallavatn Mynd: KL

Þingvallavatn er líklega eitt mest sótta veiðivatn landsins en þangað fer fjöldi veiðimanna á hverjum degi til veiða sé veðrið skaplegt.

Það hefur verið rætt á milli veiðimanna um að veiðin í sumar sé ein sú slakasta í mörg ár og ein af þeim skýringum sem er talin eiga þar sök í máli er að urriðastofninn sé að verða of stór og sé að éta upp smábleikjuna. Það hefur sést á nokkrum urriðum sem hafa veiðst í sumar sem hafa verið horaðir en það er samt ekki þannig með allann urriðann, langt því frá. Þetta er því varla eina skýringin á þeirri upplifun veiðimanna um lakari veiði og að hún sé urriðanum um að kenna.

Vissulega hafa margir haft orð á því að veiðin sé léleg og við fengum senda veiðidagbók frá einum ágætum veiðimanni en hann hefur haldið tölur um veiðina sína í vatninu síðan 2004. Ásóknin hjá honum er tuttugu dagar minnst 2008 en mest 2012 þegar hann var þrjátíu og fimm daga við vatnið. Hann hefur aldrei veitt jafn fáar bleikjur og á þessu ári og þegar meðaltalið er skoðað er fjöldi veiddra fiska aðeins 28% af meðalári. 

Síðan eru veiðimenn sem tala bara um að þetta sé meðalár og hafa ekki fundið fyrir svona djúpri lægð í veiðitölum. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.