Dulbúnir lögreglumenn þóttust færa glæpamanni stolnar vörur Stefán Ó. Jónsson skrifar 23. júlí 2020 11:00 Lögreglumenn þóttust vera sendlar áður en þeir kynntu sig og færðu manninn í járn, sem brást ókvæða við. Getty/Ngampol Thongsai Karlmaður hefur verið úrskurðaður í gæsluvarðhald vegna gruns um margvísleg brot fyrr á þessu ári. Honum er t.a.m. gefið að sök að hafa brotist inn í hjólageymslu og gleymt þar minnisbók merktri sér, að hafa gert sér aðra ferð á vettvang glæps til að sækja þýfi sem hann gleymdi og að hafa pantað vörur með stolnu kredikorti, sem dulbúnir lögreglumenn afhentu honum. Lögreglan handtók manninn aðfaranótt 14. júlí síðastliðinn eftir æsilega eftirför í Reykjavík. Í úrskurði Landsréttar segist lögreglan hafa fengið ábendingu um að maðurinn væri að gera sig líklegan til innbrots, lögregluþjónar hafi verið sendir á vettvang og á leiðinni hafi þeir mætt hinum grunaða á stolinni bifreið. Hafnaði á girðingu Maðurinn hafi ekki viljað stöðva - „heldur þvert á móti jók hraðann og ók beint yfir á rauðu ljósi á næstu gatnamótum. Áfram hélt kærði akstrinum áfram og ók ítrekað yfir hámarkhraða, rásandi á veginum, á móti umferð í hringtorgi og eftir gangstétt þar sem hann hafi reynt að komast undan lögreglu og skapað þannig mikla hættu,“ segir í úrskurði Landsréttar. Að endingu er maðurinn sagður hafa ekið í veg fyrir lögreglubíl, það leiddi til árekstrar með þeim afleiðingum að bifreið mannsins snerist og hafnaði á girðingu. Út hljóp maðurinn og hélt rakleitt heim til sín þar sem lögregluþjónarnir höfðu uppi á honum. Landsréttur staðfesti gæsluvarðhaldsúrskurð héraðsdóms.Vísir/Vilhelm Við leit á manninum eiga lögreglumennirnir að hafa fundið hvítt efni í smelluláspoka sem maðurinn á að hafa viðurkennt að væri amfetamín. Þar að auki segir í úrskurðinum að maðurinn hafi neytt áfengis og amfetamíns fyrir ofsaaksturinn um nóttina. Lögreglan fór fram á að maðurinn yrði settur í gæsluvarðhald, ekki aðeins vegna akstursins heldur jafnframt vegna annarra brota sem hann er grunaður um. Málin séu ýmist enn til rannsóknar eða komin til afgreiðslu ákærusviðs lögreglu. Gleymdi minnisbók merktri sér Meint brot mannsins eru tíunduð í úrskurði Landsréttar en þau eru fjölbreytt; t.d. ölvunarakstur, húsbrot og líkamsárás. Þá er hann sagður hafa brotist inn í hinar ýmsu geymslur, bílskúra og nýbyggingar á höfuðborgarsvæðinu. Hann var til að mynda staðinn að verki í geymslu í Kópavogi - „og þar fannst bakpoki sem aðilinn skildi eftir sem í var kúbein og minnisbók merkt kærða.“ Þá var gripinn þegar hann gerði sér aðra ferð í geymslu í Reykjavík, þar sem hann hafði látið greipar sópa skömmu áður. Þýfinu hafði verið komið fyrir í ferðatöskum, sem einnig var stolið, í hitakompu húsnæðisins. „Vitni lýsti meintum geranda og hringdi síðar sama dag í lögreglu er hann sá sama mann aftur koma að húsnæðinu, sennilega til að sækja þýfið.“ Réðst á dulbúna lögreglumennina Maðurinn er aukinheldur sagður hafa pantað vörur á netinu með stolnum kreditkortaupplýsingum og sent þær heim til sín. „Lögreglumenn dulbjuggust sem starfsmenn fyrirtækisins sem pantað var frá og þóttust vera að afhenda pantaðar vörur. Kom þá kærði til dyra og sagðist taka við pöntuninni og að eiganda kortsins vera á fundi en hann hefði viljað fá sendinguna á þetta heimilisfang,“ segir í úrskurðinum. Þegar lögreglumenn kynntu sig og ætluðu að færa manninn í handjárn er hann sagður hafa barist um „á hæl og hnakka uns var yfirbugaður.“ Maðurinn neitaði sök í þessu máli en lögregla telur skýringar hans ótrúverðugar. Sem fyrr segir féllst Landsréttur á gæsluvarðhaldsúrskurð yfir manninum og verður hann í haldi til 11. ágúst hið minnsta. Dómsmál Mest lesið Fékk sex milljónum of há laun og neitaði að endurgreiða þau Innlent Tollar á vörur frá Íslandi verða 15 prósent samkvæmt forsetatilskipun Erlent Sakar sveitastjórann um atvinnuróg og „kæfandi klámhögg“ Innlent Annasamt ár á Bessastöðum: Kóngafólk, keisari, umtöluð undirskrift og brúnir skór Innlent Freista þess að hindra að Bandaríkin fargi miklu magni getnaðarvarna Erlent Áhrifin af stöðvunarkröfunni óveruleg Innlent Arabaríkin sameinast um afvopnun Hamas og fordæmingu á árásunum 7. október Erlent „Eins og að vera úti á rúmsjó“ í Eyjum annað kvöld Veður Varasamar aðstæður fyrir ferðalanga Veður Þyrlan farin vestur í hvítabjarnareftirlit Innlent Fleiri fréttir Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ „Komið nóg af áföllum“ Níu ára og með sitt eigið „Fannars bakarí“ í Njarðvík „Þetta er hættuleg helgi“ Eldri borgarar sem verði fyrir ofbeldi ættingja geti hvergi leitað Aldraðir beittir ofbeldi af ættingjum og gervigreindarmistök lögreglu Ferðaþjónustuþorpið Vík: „Við erum ein á báti“ Tjaldsvæði á Norðurlandi óðum að fyllast Framkvæmdir við Hvammsvirkjun stöðvaðar Borgin hafnar yfirlýsingum KSÍ Fólk varist dúfur í Vestmannaeyjum Ógnaði vegfarendum með stórum hníf Ferðamaður lést við Breiðamerkursand „Í Evrópumálum tel ég að þetta sé ekki rétti tíminn að fara í þá vegferð“ Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Ísbjarnareftirlit á Vestfjörðum Íslenskum nemendum fækkar en erlendum fjölgar Lögregla biðst afsökunar vegna myndarinnar Þyrlan kölluð út vegna bráðra veikinda á Breiðamerkursandi Sjá meira
Karlmaður hefur verið úrskurðaður í gæsluvarðhald vegna gruns um margvísleg brot fyrr á þessu ári. Honum er t.a.m. gefið að sök að hafa brotist inn í hjólageymslu og gleymt þar minnisbók merktri sér, að hafa gert sér aðra ferð á vettvang glæps til að sækja þýfi sem hann gleymdi og að hafa pantað vörur með stolnu kredikorti, sem dulbúnir lögreglumenn afhentu honum. Lögreglan handtók manninn aðfaranótt 14. júlí síðastliðinn eftir æsilega eftirför í Reykjavík. Í úrskurði Landsréttar segist lögreglan hafa fengið ábendingu um að maðurinn væri að gera sig líklegan til innbrots, lögregluþjónar hafi verið sendir á vettvang og á leiðinni hafi þeir mætt hinum grunaða á stolinni bifreið. Hafnaði á girðingu Maðurinn hafi ekki viljað stöðva - „heldur þvert á móti jók hraðann og ók beint yfir á rauðu ljósi á næstu gatnamótum. Áfram hélt kærði akstrinum áfram og ók ítrekað yfir hámarkhraða, rásandi á veginum, á móti umferð í hringtorgi og eftir gangstétt þar sem hann hafi reynt að komast undan lögreglu og skapað þannig mikla hættu,“ segir í úrskurði Landsréttar. Að endingu er maðurinn sagður hafa ekið í veg fyrir lögreglubíl, það leiddi til árekstrar með þeim afleiðingum að bifreið mannsins snerist og hafnaði á girðingu. Út hljóp maðurinn og hélt rakleitt heim til sín þar sem lögregluþjónarnir höfðu uppi á honum. Landsréttur staðfesti gæsluvarðhaldsúrskurð héraðsdóms.Vísir/Vilhelm Við leit á manninum eiga lögreglumennirnir að hafa fundið hvítt efni í smelluláspoka sem maðurinn á að hafa viðurkennt að væri amfetamín. Þar að auki segir í úrskurðinum að maðurinn hafi neytt áfengis og amfetamíns fyrir ofsaaksturinn um nóttina. Lögreglan fór fram á að maðurinn yrði settur í gæsluvarðhald, ekki aðeins vegna akstursins heldur jafnframt vegna annarra brota sem hann er grunaður um. Málin séu ýmist enn til rannsóknar eða komin til afgreiðslu ákærusviðs lögreglu. Gleymdi minnisbók merktri sér Meint brot mannsins eru tíunduð í úrskurði Landsréttar en þau eru fjölbreytt; t.d. ölvunarakstur, húsbrot og líkamsárás. Þá er hann sagður hafa brotist inn í hinar ýmsu geymslur, bílskúra og nýbyggingar á höfuðborgarsvæðinu. Hann var til að mynda staðinn að verki í geymslu í Kópavogi - „og þar fannst bakpoki sem aðilinn skildi eftir sem í var kúbein og minnisbók merkt kærða.“ Þá var gripinn þegar hann gerði sér aðra ferð í geymslu í Reykjavík, þar sem hann hafði látið greipar sópa skömmu áður. Þýfinu hafði verið komið fyrir í ferðatöskum, sem einnig var stolið, í hitakompu húsnæðisins. „Vitni lýsti meintum geranda og hringdi síðar sama dag í lögreglu er hann sá sama mann aftur koma að húsnæðinu, sennilega til að sækja þýfið.“ Réðst á dulbúna lögreglumennina Maðurinn er aukinheldur sagður hafa pantað vörur á netinu með stolnum kreditkortaupplýsingum og sent þær heim til sín. „Lögreglumenn dulbjuggust sem starfsmenn fyrirtækisins sem pantað var frá og þóttust vera að afhenda pantaðar vörur. Kom þá kærði til dyra og sagðist taka við pöntuninni og að eiganda kortsins vera á fundi en hann hefði viljað fá sendinguna á þetta heimilisfang,“ segir í úrskurðinum. Þegar lögreglumenn kynntu sig og ætluðu að færa manninn í handjárn er hann sagður hafa barist um „á hæl og hnakka uns var yfirbugaður.“ Maðurinn neitaði sök í þessu máli en lögregla telur skýringar hans ótrúverðugar. Sem fyrr segir féllst Landsréttur á gæsluvarðhaldsúrskurð yfir manninum og verður hann í haldi til 11. ágúst hið minnsta.
Dómsmál Mest lesið Fékk sex milljónum of há laun og neitaði að endurgreiða þau Innlent Tollar á vörur frá Íslandi verða 15 prósent samkvæmt forsetatilskipun Erlent Sakar sveitastjórann um atvinnuróg og „kæfandi klámhögg“ Innlent Annasamt ár á Bessastöðum: Kóngafólk, keisari, umtöluð undirskrift og brúnir skór Innlent Freista þess að hindra að Bandaríkin fargi miklu magni getnaðarvarna Erlent Áhrifin af stöðvunarkröfunni óveruleg Innlent Arabaríkin sameinast um afvopnun Hamas og fordæmingu á árásunum 7. október Erlent „Eins og að vera úti á rúmsjó“ í Eyjum annað kvöld Veður Varasamar aðstæður fyrir ferðalanga Veður Þyrlan farin vestur í hvítabjarnareftirlit Innlent Fleiri fréttir Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ „Komið nóg af áföllum“ Níu ára og með sitt eigið „Fannars bakarí“ í Njarðvík „Þetta er hættuleg helgi“ Eldri borgarar sem verði fyrir ofbeldi ættingja geti hvergi leitað Aldraðir beittir ofbeldi af ættingjum og gervigreindarmistök lögreglu Ferðaþjónustuþorpið Vík: „Við erum ein á báti“ Tjaldsvæði á Norðurlandi óðum að fyllast Framkvæmdir við Hvammsvirkjun stöðvaðar Borgin hafnar yfirlýsingum KSÍ Fólk varist dúfur í Vestmannaeyjum Ógnaði vegfarendum með stórum hníf Ferðamaður lést við Breiðamerkursand „Í Evrópumálum tel ég að þetta sé ekki rétti tíminn að fara í þá vegferð“ Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Ísbjarnareftirlit á Vestfjörðum Íslenskum nemendum fækkar en erlendum fjölgar Lögregla biðst afsökunar vegna myndarinnar Þyrlan kölluð út vegna bráðra veikinda á Breiðamerkursandi Sjá meira