Viðskipti innlent

Framkvæmdastjórinn eignast Birtíng

Tryggvi Páll Tryggvason skrifar
Birtingur gefur meðal annars út tímaritin Hús og híbýli og Gestgjafann.
Birtingur gefur meðal annars út tímaritin Hús og híbýli og Gestgjafann.

Sigríður Dagný Sigurbjörnsdóttir, framkvæmdastjóri Birtíngs útgáfufélags, hefur keypt allt hlutafé í útgáfufélaginu.

Þetta kemur fram á vef Mannlífs en Birtíngur gefur meðal annars út tímaritin Vikuna, Gestgjafann og Hús og híbýli. Þá hefur Birtíngur einnig gefið út fríblaðið Mannlíf í nær þrjú ár.

Sigríður Dagný verður eftir kaupin eini eigandi Birtíngs sem verið hefur í eigu Fjárfestingarfélagsins Dalurinn Ehf. Á vef Kjarnans segir að það félag hafi undanfarin misseri verið skráð á Halldór Kristmansson, framkvæmdastjóra Alvogen og náins samstarfsmanns Róberts Wessmanns.

Á vef Mannlífs segir einnig að samhliða ofangreindum kaupsamningi verði unnið að gerð samstarfssamnings um rekstur vefsvæðis, sem muni meðal annars birta hágæðaefni um lífsstíl, tísku, heimili, hönnun og mat fyrir vörumerki Birtíngs. Þar muni útgáfufélagið einnig selja áskriftir tímarita og bjóða upp á stafræna útgáfu Mannlífs. Birtíngur fái sérstaklega greitt fyrir framleiðslu og notkunarrétt á umræddu efni.

Samkvæmt samstarfssamningi er fyrirhugað að vefsvæðið verði í umsjón og eigu Halldórs, sem er útgefandi Mannlífs. Ritstjórnarkostnaður vegna vinnslu fréttaefnis ásamt rekstri og þróun vefsvæðisins muni falla undir umræddan samstarfssamning. Stefnt er að því að samstarfið hefjist 1. ágúst næstkomandi, að því er segir á vef Mannlífs.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SIMINN
1,19
6
93.084
EIM
0,71
1
141
MAREL
0,71
2
441
ICEAIR
0,57
3
584
VIS
0,49
1
41

Mesta lækkun dagsins


Félag
Br.%
Fjöldi
Velta*
ARION
-1,5
9
117.825
TM
-0,3
1
80
EIK
-0,28
1
760
SJOVA
0
1
68
BRIM
0
5
92.020
Velkomin á Vísi. Þessi vefur notar vafrakökur. Sjá nánar.