Viðskipti innlent

Vonarstjarna til Viðskiptaráðs

Stefán Ó. Jónsson skrifar
Steinar Þór Ólafsson, verðandi samskiptasérfræðingur hjá Viðskiptaráði.
Steinar Þór Ólafsson, verðandi samskiptasérfræðingur hjá Viðskiptaráði.

Steinar Þór Ólafsson, sem starfað hefur sem markaðsstjóri Skeljungs, tekur við stöðu samskiptafulltrúa Viðskiptaráðs í ágústlok. Áður hafði hann stýrt stafrænni markaðssetningu hjá N1 auk þess að hafa flutt fyrirlestra og pistla í útvarpi um vinnustaðamenningu.

Framganga hans í starfi skilaði honum á lista Góðra samskipta yfir 20 vonarstjörnur í viðskiptalífinu árið 2020, sem skipað er fólki sem miklar væntingar eru bundar við á næstu árum. Steinar Þór er með MBA frá Háskólanum í Reykjavík og B.Sc. í íþróttavísindum frá tækni- og verkfræðideild HR.

Samhliða ráðningu Steinars hefur Konráð S. Guðjónsson tekið við stöðu aðstoðarframkvæmdastjóra Viðskiptaráðs frá og með 1. júlí. Konráð hefur starfað sem hagfræðingur ráðsins frá ársbyrjun 2018 og mun áfram gegna því hlutverki.

Konráð starfaði áður í þrjú ár sem sérfræðingur í greiningardeild Arion banka. Þar áður starf­aði hann um hríð sem hag­fræð­ingur á skrif­stofu for­set­a Tansan­íu, hjá Hag­fræði­stofnun Háskóla Íslands og var starfs­nemi hjá Þró­un­ar­sam­vinnu­stofnun Íslands í í Úganda. Kon­ráð er með meistara­gráðu í hag­fræði frá Warwick háskóla í Bretlandi og BS-­próf í hag­fræði frá Háskóla Íslands.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×