Eins tilbúin og hægt er fyrir harðari skjálfta Andri Eysteinsson og Jóhann K. Jóhannsson skrifa 21. júní 2020 21:17 Frá Siglufirði í dag Vísir/ Jóhann K. Ekkert lát er á jarðskjálftahrinunni sem hófst norðan við Gjögurtá á föstudag. Stærstu skjálftarnir hafa fundist í byggð allt frá Húsavík til Ísafjarðar, á Akranesi og á höfuðborgarsvæðinu. „Það er náttúrulega óvissuástand en að öðru leyti veit maður ósköp lítið. Reynir bara að vera tilbúinn fyrir það sem gæti gerst, hvað sem það nú verður. Eðlilega er fólki brugðið en á sama tíma heldur það ró sinni og yfirvegun,“ sagði Elías Pétursson bæjarstjóri í Fjallabyggð í kvöldfréttum Stöðvar 2 en íbúar sveitarfélagsins hafa, líkt og íbúar víðar á Norðurlandi, fundið fyrir náttúruöflunum í formi mikillar jarðskjálftavirkni síðustu daga. Almannavarnardeild Ríkislögreglustjóra fundaði á svæðinu í dag og segir Elías að farið hafi verið yfir stöðuna, hvar upptök skjálftanna eru og hvort þeir nálgist Húsavík. Elías sagði sveitarfélögin á Tröllaskaga vera eins tilbúin og hægt er fyrir harðari skjálfta. „Algjörlega, ég tel þau eins reiðubúin og þú getur verið undir svona mikla óvissu,“ sagði bæjarstjórinn. Almannavarnir hafa hvatt íbúa á skjálftasvæðum til þess að vera á varðbergi þar sem ekki er hægt að útiloka stærri skjálfta. Frá því að jarðskjálftahrinan hófst á föstudagskvöld hafa yfir 2000 skjálftar mælst og þar af yfir 70 sem mældust stærri en 3,0. „Við verðum bara að búa okkur undir það að gætu orðið stærri skjálftar á svæðinu. Við vitum það að stærri skjálftar þeir koma í framhaldi af svona hrinum. Við erum með ágætisheimildir um náttúruöflin,“ sagði Kristín Jónsdóttir hjá Náttúruvárvöktun Veðurstofunnar. Þyrla Landhelgisgæslunnar sótti ofanflóðasérfræðinga á Akureyri í dag og flaug með á svæðið til þess að meta aðstæður í fjöllum þar sem grjót hefur hrunið. Þá er varðskipið Þór væntanlegt frá Ísafirði inn í Eyjafjörð til þess að vera til taks komi harðari skjálftar. TF-EIR er mætt á norðurlandið.Vísir/Jóhann K. Fréttastofa ræddi við íbúa og gesti á Siglufirði í dag og höfðu viðmælendur mismunandi sögu að segja frá upplifun sinni af skjálftahrinunni. „Ég var bara að dansa og eitthvað, svo allt í einu byrjaði ég að hristast og ég vissi ekki hvað var að gerast. Svo kíkti ég á rúðurnar og þær voru byrjaðar að hristast svo þegar hann var búinn þá spurði ég ömmu mína hvað þetta hafi verið, því ég hef aldrei upplifað jarðskjálfta,“ sagði Birgitta Elín Guðlaugsdóttir en amma hennar, Erla Svanbergsdóttir, sagðist ekki hafa vaknað við smáskjálftana í nótt en segir að skjálftarnir hafi verið sterkir í gær. „Þeir voru sterkir í gær, með miklum hávaða og látum og það er það sem að fer svolítið í mann,“ sagði Erla. „Eftir einn kippinn í gær þá tókum við niður myndir og úr hillum og svoleiðis,“ sagði Guðjón Jóhannsson sem var að vinna í stiga þegar fréttastofa náði af honum tali í dag. Hann sagðist ekkert hugsa um það hvort jarðskjálfti geti orðið á meðan. „Maður hugsar ekkert um það, það var áðan smákippur,“ sagði Guðjón og kvaðst ekki hafa orðið var við það að íbúar eða gestir á Siglufirði væru skelkaðir vegna stöðunnar. „Ég er bara að mála.“ Guðjón var óhræddur við jarðskjálftana og málaði eins og óður maður í dag.Vísir/ Jóhann K. Ámundi Gunnarsson slökkviliðsstjóri í Fjallabyggð sagði þá að eitthvað hefði verið um tilkynningar um tjón eftir skjálftann. „Það var eitthvað af því að brotnað hafi glerdót og hrunið af veggjum og svoleiðis en ekkert alvarlegt. Það er ákveðinn kvíði í fólki því verður ekki neitað. Hræðsla er ábyggilega fyrir hendi þó menn vilji ekki viðurkenna það svona almennt. Eldgos og jarðhræringar Fjallabyggð Mest lesið Grunaður hraðbankaþjófur nennti ekki með austur nóttina örlagaríku Innlent Mannskæð skotárás í skóla í Bandaríkjunum Erlent Ekki séð neitt þessu líkt á sínum fjörutíu ára ferli Innlent Til skoðunar að flytja Sjálfstæðisflokkinn úr Valhöll Innlent Stefna Open AI vegna sjálfsvígs sonarins Erlent Supu hveljur á fundi með ráðherra á Egilsstöðum Innlent Er við góða líkamlega heilsu en heilinn að „bregðast honum“ Erlent Glímdi við veikindi fyrir andlátið sem breyttu persónuleika hans Innlent Kynna drög að nýrri stefnu í heilbrigðismálum Innlent Með mikla áverka og mjög kaldur þegar hann fannst Innlent Fleiri fréttir Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði „Starfsemi sem þarf auðvitað bara að stoppa" Ekkjan, fjársvikahrina og ferðamenn sem hunsa lokanir Lenti næstum framan á vörubíl við framúrakstur Nú má heita Snjókaldur en ekki Latína „Það er bara allt á floti hérna alls staðar“ Sjá meira
Ekkert lát er á jarðskjálftahrinunni sem hófst norðan við Gjögurtá á föstudag. Stærstu skjálftarnir hafa fundist í byggð allt frá Húsavík til Ísafjarðar, á Akranesi og á höfuðborgarsvæðinu. „Það er náttúrulega óvissuástand en að öðru leyti veit maður ósköp lítið. Reynir bara að vera tilbúinn fyrir það sem gæti gerst, hvað sem það nú verður. Eðlilega er fólki brugðið en á sama tíma heldur það ró sinni og yfirvegun,“ sagði Elías Pétursson bæjarstjóri í Fjallabyggð í kvöldfréttum Stöðvar 2 en íbúar sveitarfélagsins hafa, líkt og íbúar víðar á Norðurlandi, fundið fyrir náttúruöflunum í formi mikillar jarðskjálftavirkni síðustu daga. Almannavarnardeild Ríkislögreglustjóra fundaði á svæðinu í dag og segir Elías að farið hafi verið yfir stöðuna, hvar upptök skjálftanna eru og hvort þeir nálgist Húsavík. Elías sagði sveitarfélögin á Tröllaskaga vera eins tilbúin og hægt er fyrir harðari skjálfta. „Algjörlega, ég tel þau eins reiðubúin og þú getur verið undir svona mikla óvissu,“ sagði bæjarstjórinn. Almannavarnir hafa hvatt íbúa á skjálftasvæðum til þess að vera á varðbergi þar sem ekki er hægt að útiloka stærri skjálfta. Frá því að jarðskjálftahrinan hófst á föstudagskvöld hafa yfir 2000 skjálftar mælst og þar af yfir 70 sem mældust stærri en 3,0. „Við verðum bara að búa okkur undir það að gætu orðið stærri skjálftar á svæðinu. Við vitum það að stærri skjálftar þeir koma í framhaldi af svona hrinum. Við erum með ágætisheimildir um náttúruöflin,“ sagði Kristín Jónsdóttir hjá Náttúruvárvöktun Veðurstofunnar. Þyrla Landhelgisgæslunnar sótti ofanflóðasérfræðinga á Akureyri í dag og flaug með á svæðið til þess að meta aðstæður í fjöllum þar sem grjót hefur hrunið. Þá er varðskipið Þór væntanlegt frá Ísafirði inn í Eyjafjörð til þess að vera til taks komi harðari skjálftar. TF-EIR er mætt á norðurlandið.Vísir/Jóhann K. Fréttastofa ræddi við íbúa og gesti á Siglufirði í dag og höfðu viðmælendur mismunandi sögu að segja frá upplifun sinni af skjálftahrinunni. „Ég var bara að dansa og eitthvað, svo allt í einu byrjaði ég að hristast og ég vissi ekki hvað var að gerast. Svo kíkti ég á rúðurnar og þær voru byrjaðar að hristast svo þegar hann var búinn þá spurði ég ömmu mína hvað þetta hafi verið, því ég hef aldrei upplifað jarðskjálfta,“ sagði Birgitta Elín Guðlaugsdóttir en amma hennar, Erla Svanbergsdóttir, sagðist ekki hafa vaknað við smáskjálftana í nótt en segir að skjálftarnir hafi verið sterkir í gær. „Þeir voru sterkir í gær, með miklum hávaða og látum og það er það sem að fer svolítið í mann,“ sagði Erla. „Eftir einn kippinn í gær þá tókum við niður myndir og úr hillum og svoleiðis,“ sagði Guðjón Jóhannsson sem var að vinna í stiga þegar fréttastofa náði af honum tali í dag. Hann sagðist ekkert hugsa um það hvort jarðskjálfti geti orðið á meðan. „Maður hugsar ekkert um það, það var áðan smákippur,“ sagði Guðjón og kvaðst ekki hafa orðið var við það að íbúar eða gestir á Siglufirði væru skelkaðir vegna stöðunnar. „Ég er bara að mála.“ Guðjón var óhræddur við jarðskjálftana og málaði eins og óður maður í dag.Vísir/ Jóhann K. Ámundi Gunnarsson slökkviliðsstjóri í Fjallabyggð sagði þá að eitthvað hefði verið um tilkynningar um tjón eftir skjálftann. „Það var eitthvað af því að brotnað hafi glerdót og hrunið af veggjum og svoleiðis en ekkert alvarlegt. Það er ákveðinn kvíði í fólki því verður ekki neitað. Hræðsla er ábyggilega fyrir hendi þó menn vilji ekki viðurkenna það svona almennt.
Eldgos og jarðhræringar Fjallabyggð Mest lesið Grunaður hraðbankaþjófur nennti ekki með austur nóttina örlagaríku Innlent Mannskæð skotárás í skóla í Bandaríkjunum Erlent Ekki séð neitt þessu líkt á sínum fjörutíu ára ferli Innlent Til skoðunar að flytja Sjálfstæðisflokkinn úr Valhöll Innlent Stefna Open AI vegna sjálfsvígs sonarins Erlent Supu hveljur á fundi með ráðherra á Egilsstöðum Innlent Er við góða líkamlega heilsu en heilinn að „bregðast honum“ Erlent Glímdi við veikindi fyrir andlátið sem breyttu persónuleika hans Innlent Kynna drög að nýrri stefnu í heilbrigðismálum Innlent Með mikla áverka og mjög kaldur þegar hann fannst Innlent Fleiri fréttir Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði „Starfsemi sem þarf auðvitað bara að stoppa" Ekkjan, fjársvikahrina og ferðamenn sem hunsa lokanir Lenti næstum framan á vörubíl við framúrakstur Nú má heita Snjókaldur en ekki Latína „Það er bara allt á floti hérna alls staðar“ Sjá meira