Jökull hættir hjá Stefni

Jökull H. Úlfsson, framkvæmdastjóri Stefnis, hefur óskað eftir að láta af störfum og hefur komist að samkomulagi við félagið um starfslok.

Í tilkynningu frá félaginu segir að Kristbjörg M. Kristinsdóttir, staðgengill framkvæmdastjóra Stefnis, muni tímabundið taka við starfi framkvæmdastjóra eða þar til stjórn hefur ráðið í stöðuna.

Jökull mun ljúka tilteknum verkefnum fyrir Stefni og vera stjórn og settum framkvæmdastjóra til ráðgjafar.

Stefnir er sjálfstætt starfandi fjármálafyrirtæki og rekur verðbréfasjóði, fjárfestingarsjóði og fagfjárfestasjóði.