Boða til upplýsingafundar um opnun landamæra Íslands

Tryggvi Páll Tryggvason skrifar 16. júní 2020 11:08

Þessi kona var á meðal farþega sem komu til landsins með vél Wizz Air frá London í morgun. Vísir/Frikki

Almannavarnadeild ríkislögreglustjóra hefur boðað til upplýsingafundar fyrir blaðamenn klukkan tvö í dag.

Á fundinum verður fjallað um stöðu mála varðandi opnun landamæra Íslands. Upplýsingafundurinn verður í beinni útsendingu hér á Vísi sem og á Stöð 2 Vísi. Þá verður einnig fylgst með framvindu fundarins í beinni textalýsingu á Vísi.

Í gær hófust skimanir á landamærum Íslands og er ferðamönnum sem heimilt er að koma hingað til lands boðið að fara í skimun fyrir kórónuveiru, í stað þess að fara í 14 daga sóttkví.

Um 900 manns komu til landsins í gegnum Keflavíkurflugvöll í gær og gengu skimanir heilt yfir vel, líkt og fjallað var um í kvöldfréttum Stöðvar 2 í gær.

Ferðamennska á Íslandi Keflavíkurflugvöllur Faraldur kórónuveiru (COVID-19)

Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.