Erlent

Fjórir látnir eftir að her­flug­vél fórst í Rúss­landi

Atli Ísleifsson skrifar
Rússnesk herþyrla af gerðinni Mi-8.
Rússnesk herþyrla af gerðinni Mi-8. Getty

Fjórir létust eftir að herþyrla fórst í Chukotka í norðausturhluta Rússlands í nótt. Þyrlan var í eigu rússneska hersins og hrapaði á flugvelli nærri bænum Anadyr.

„Það voru þrír áhafnarmeðlimir og einn flugvirki um borð. Allir fjórir létust,“ segir ríkisstjórinn Roman Kopin á Instagram-síðu sinni.

Rússneskir fjölmiðlar segja að unnið hafi verið að viðgerð á þyrlunni, en þyrlan fórst í miðju reynsluflugi.

Þyrlan var af gerðinni Mi-8. Um er að ræða annað mannskæða þyrluslysið hjá rússneska hernum á innan við viku, en önnur þyrla af gerðinni Mi-8 fórst nærri Klin, um 90 kílómetrum frá Moskvu þann 19. maí síðastliðinn. Þá fórust allir þrír sem voru um borð.

Rússland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið