Rafíþróttir

Úrslitin í Áskorendamótinu ráðast um helgina

Halldór Már Krstmundsson skrifar

Yfir 20 lið hafa barist um að það síðustu vikur að komast á stórmeistaramót Vodafone í CS:GO. Hægt verður að fylgjast með á Stöð2 esport í opinni dagskrá. 

Helstu sérfræðingar landsins Kristján Einar, Tómas og Halldór verða með puttann á púlsinum og munu fylgjast með öllum leikjum helgarinnar í beinni. 

Útsending hefst klukkan 18:00 bæði laugardag og sunnudag, tvö lið komast áfram á laugardaginn og önnur 2 lið á sunnudeginum. 

Þór er eina liðið úr úrvalsdeildinni sem er eftir í áskorendamótinu og er þeim spáð góðum árangri, en Tindastóll eru til alls líklegir eftir að hafa náð góðum árangri í mörgum öðrum rafíþróttum frá stofnun deildarinnar. 

Liðin 8 sem keppast um fjögur laus pláss í stórmeistaramóti Vodafone eru:

  • Þór
  • Tindastóll
  • XY.esports
  • SWAT
  • Bad Company
  • Dusty Academy
  • Exile
  • XY.esports Academy

Stærsti bikar ársins

Tómas Jóhannsson, sérfræðingur um Vodafone-deildina í CS:GO.

„Það er til mikils að vinna en stórmeistaramót Vodafonedeildarinnar er stærsti bikar sem hægt er að vinna í rafíþróttum á Íslandi. Þarna sjáum við lið úr öllum deildum sem eru búnir að keppa síðustu helgar og ætla sér öll að komast áfram á stórmeistaramótið. Það er allt undir um helgina og við erum að fara sjá risa stóra leiki. Það má búast við því að þjálfara Dusty, Fylkis, KR og FH muni fylgjast með leikjum helgarinnar ti að byrja undirbúninginn fyrir stórmeistaramótið“ segir Tómas Jóhannsson sérfræðingur í Vodafonedeildinni. 

Stórmeistaramótið fer fram helgarnar 28. og 29 maí og endar svo með úrslitaleik þann 7. Júní.

Vísir mun fylgja mótinu til enda og birtir viðtöl og umfjöllum að leikjum loknum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.