Viðskipti innlent

Yfir tíu þúsund skammtar af veislumat beint í ruslið

Berghildur Erla Bernharðsdóttir og Kolbeinn Tumi Daðason skrifa
Guðmundur Kr. Ragnarsson ber sig vel þótt hann hafi þurft að henda tíu þúsund skömmtum af veislumat á laugardaginn.
Guðmundur Kr. Ragnarsson ber sig vel þótt hann hafi þurft að henda tíu þúsund skömmtum af veislumat á laugardaginn. Vísir

Guðmundur Kr. Ragnarsson, kokkur á veitingastaðnum og veisluþjónustunni Laugaási, segir sex viðburðum sem fyrirtækið átti að þjónusta með mat á laugardaginn hafa afboðað aðeins nokkkrum klukkustundum áður en bera átti fram mat. Hann segir að rúmlega tíu þúsund matarskammtar af veislumat hafi farið í ruslið.

Guðmundur segir engan möguleika fyrir Laugaás að láta matinn frá sér til annarra. Staðurinn geti ekki tekið ábyrgð á því að deila matnum - og megi það ekki samkvæmt reglum heilbrigðiseftirlitsins. Ef dagar liðu frá því að matur yrði gefinn og þar til einhver neytti, og einhver veiktist, þá væri staðurinn ábyrgur. Hann áætlar að til viðbótar hafi þrjátíu þúsund skammtar á höfuðborgarsvæðinu farið í ruslið um helgina.

„Þetta byrjar eiginlega í síðustu viku þar sem við fórum að sjá afbókanir allt fram í apríl og maí,“ segir Guðmundur sem rekið hefur Laugaás í fjörutíu ár. Um hafi verið að ræða hópa erlendis frá en sömuleiðis hér heima.

Stórir hópar hafi helst úr lestinni bæði miðvikudag og fimmtudag. Þeir hafi haldið sínu striki gagnvart viðskiptavinum sínum fyrir laugardagskvöldið enda ráðnir til verksins.

Enginn möguleiki á að snúa við

„Á laugardeginum eru þetta 10.200 matarskammtar sem eru tilbúnir. Það er búið að elda allan fiskinn, gera alla forréttina, alla desertana, aðalréttina, elda allt grænmetið. Það er bara allt klárt. Á öllum stöðum eru hlutir komnir í hús. Við erum „steady“ að kýla á þetta.“

Um klukkan ellefu á laugardeginum hafi fyrsta afbókunin komið.

„Svo er hryna til klukkan tvö. Við höfum enga möguleika á að snúa við,“ segir Guðmundur.

Hann hugsar þó ekki aðeins um sig heldur veltir fyrir sér gestunum. Fólkinu.

„Einstaklingar voru jafnvel í sminki þegar þeir fá símtalið. Fólk sem er á leið á skemmtanir, í startholunum,“ segir Guðmundur. Hann vonar að fjölmargir hafi engu að síður skemmt sér á laugardagskvöldið. Hann sér fram á algjört hrun í stórum veislum næstu mánuði.

Reiknar með engum stórum veislum á næstunni

„Ég áætla að þetta verði allur mars, allar veislur í apríl hljóta að vera farnar og fram í maí. Ég hef enga trú á því að stórar skemmtanir verði haldnar á þessu tímabili.“

Hann vonar að blásið verði til algjörrar veislu í haust í samfélaginu. Varðandi tap vegna afbókana segist hann ekki vera kominn svo langt í ferlinu.

„Ég veit það bara að þeir sem töluðu við mig höfðu skilning á þessu og töluðu með hlýhug til okkar. Aðalatriðið er að allir eru að reyna að standa saman,“ segir Guðmundur. Fólk megi ekki missa gleðina. Þá hafi hann ekki tjaldað til einnar nætur.

„Við erum fjörutíu ára gamalt fyrirtæki. Við höfum gengið í gegnum ýmislegt hér á Íslandi. Þetta er eitt af því,“ segir Guðmundur. Hann reiknar með að Laugaás jafni sig.

„Við höfum passað okkur í gegnum árin eins og flestallir aðrir. Við megum ekki bara horfa á að við séum í rekstri til nokkura mánaða. Þetta er langhlaup. Þetta verður allt í lagi.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
3,64
52
10.437
MAREL
3,03
34
496.121
ARION
0,99
26
250.103
REGINN
0,59
1
1.200
ICESEA
0,49
6
8.214

Mesta lækkun dagsins


Félag
Br.%
Fjöldi
Velta*
EIM
-4,41
2
451
SIMINN
-2,02
10
348.705
SJOVA
-1,97
8
83.952
KVIKA
-1,63
4
55.058
SYN
-1,11
5
2.142
Velkomin á Vísi. Þessi vefur notar vafrakökur. Sjá nánar.