Hvarf skyndi­lega á braut eftir líkams­á­rás

Rétt fyrir klukkan þrjú í nótt barst lögreglunni á höfuðborgarsvæðinu tilkynning um líkamsárás í Austurstræti í miðbæ Reykjavíkur. Þolandi árásarinnar var fluttur með sjúkrabíl á slysadeild með nokkra áverka.

Árásarmaðurinn var horfinn á braut þegar lögregla kom á vettvang en fram kemur í dagbók lögreglu að hún telji sig þó hafa upplýsingar um það hvern um ræðir.

Einnig bárust lögreglu nokkrar tilkynningar um slagsmál í miðborginni og voru sex ökumenn teknir á höfuðborgarsvæðinu grunaðir akstur undir áhrifum áfengis eða fíkniefna.

Þar að auki var nokkuð tilkynnt um ofurölvi og ósjálfbjarga fólk en í öllum tilvikum var hægt að aðstoða það við komast heim til sín að sögn lögreglu.