Samstarf

Netverslun vikunnar er Heimkaup.is: Meira úrval en nokkur önnur íslensk netverslun

Guðmundur Magnason, framkvæmdastjóri Heimkaup.is.
Guðmundur Magnason, framkvæmdastjóri Heimkaup.is. Vísir/Vilhelm

Heimkaup.is er netverslun vikunnar á Vísi. Hjá Heimkaup.is fæst nánast allt milli himins og jarðar sama dag og pantað er en verslunin býður yfir 50.000 vörunúmer. 

„Hjá okkur er hægt að kaupa allt í ísskápinn og ísskápinn sjálfan, krydd, kökur, frostpinna, grænmeti og ávexti, frosinn fisk, fatnað og skó og miklu meira til! Við bjóðum meira úrval en nokkur önnur netverslun á landinu og allt á lager. Vörurnar eru allar til afhendingar strax, hvort sem um er að ræða reiðhjól eða mandarínupoka,“ segir Guðmundur Magnason, framkvæmdastjóri Heimkaup.is.

Framúrskarandi þjónusta

Þjónustustig Heimkaup.is er hátt, vörur eru afhentar alla daga, einnig um helgar og á helgidögum. Deginum er skipt upp í tveggja tíma hólf sem hægt er að panta inn í með klukkutíma fyrirvara, frá 9 til 21 á kvöldin. 

„Ef viðskiptavinur á höfuðborgarsvæðinu pantar fyrir klukkan 16 komum við með pöntunina milli klukkan 17 og 19. Á Reykjanesi, í Hveragerði og á Selfossi og Akranesi komum við með pöntunina samdægurs. Ef viðskiptavinir á þessum svæðum panta fyrir klukkan 16 mætum við um kvöldið með vörurnar,“ útskýrir Guðmundur.

Vilhelm

Hvað er í matinn?

Heimkaup.is hefur leyst þá eilífðarþraut að ákveða hvað á að vera í kvöldmatinn, á afar þægilegan hátt. Á síðunni er að finna fjölda uppskrifta og hægt er að panta allt hráefni í þær í einum smelli og fá sent heim. Uppskriftin kemur meira að segja sem sms í símann svo hægt er að hafa hana handhæga þegar kemur að því að elda.

„Hjá okkur þarf ekki að skipuleggja neitt fram í tímann, bara fara inn á síðuna og panta og við erum mætt samdægurs á þeim tíma sem hentar. Ekki þarf að panta fyrir marga daga í einu, nema fólk vilji og stóri kosturinn er að ef þú átt eitthvað af hráefninu í uppskriftinni heima, þá hakarðu það bara út. Eins er hægt að skipta hráefni út fyrir annað, til dæmis ef þig langar í rjóma frekar en matreiðslurjóma eða vilt skipta út hakkinu fyrir ódýrara hakk,“ útskýrir Guðmundur. 

„Við höfum þróað þetta í dálítinn tíma og erum alltaf að bæta uppskriftum við. Þær eru flokkaðar niður þannig að hægt er að fara beint inn í grænmetisrétti, fiskrétti eða kjúklingarétti og svo framvegis. Fólk sem uppgötvar þessa þjónustu notar hana aftur og aftur enda ótrúlega þægilegt að panta í rólegheitum í vinnunni og fá svo uppskriftina og hráefnið í hendurnar þegar þú kemur heim. Þá eru viðskiptavinir okkar sérstaklega ánægðir með að hjá okkur er hægt að sjá hver síðasti söludagur er á hverri vöru. Það er þjónusta sem einungis Heimkaup.is býður upp á,“ segir Guðmundur.

Fjölskyldukarfan opin innkaupakarfa sem safnað er í

Á annasömum dögum er ekkert einfalt að halda yfirsýn yfir stöðuna í skápunum. Heimkaup.is setti Fjölskyldukörfuna í gang til að einfalda innkaupin fyrir heimilið svo um munar.

„Fjölskyldukarfan er opin innkaupakarfa sem margir geta bætt í eftir því hvað klárast úr skápunum. Það kannast allar fjölskyldur við að einn klárar mjólkina og annar kexið en með þessu getur sá sem klárar mjólkina bætt henni strax í körfuna og smám saman safnast í körfuna allt sem þarf að kaupa inn. Svo fer sá sem er með peningavöldin yfir körfuna áður en pöntunin er send. Hægt er að bæta við ef eitthvað hefur gleymst eða taka vörur út ef grunsamlega margir tölvuleikir og kókópuffspakkar hafa rataða í körfuna,“ segir Guðmundur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.