Erlent

Háttsettur meðlimur sádiarabísku konungsfjölskyldunnar handtekinn

Vésteinn Örn Pétursson skrifar
Mohammed bin Salman krónprins (t.v.) og Mohammed bin Nayef.
Mohammed bin Salman krónprins (t.v.) og Mohammed bin Nayef. Vísir/Getty

Mohammed bin Salman, krónprins Sádi-Arabíu, hefur látið handtaka einn æðsta meðlim sádiarabísku konungsfjölskyldunnar. Þá hafa tveir aðrir meðlimir konungsfjölskyldunnar verið handteknir að skipun prinsins. Ástæður handtakanna liggja ekki fyrir.

New York Times greinir frá þessu, og hefur eftir heimildamönnum að um sé að ræða Ahmed bin Abdulaziz, föðurbróður krónprinsins, Mohammed bin Nayef, fyrrverandi krónprins og fyrrverandi innanríkisráðherra, og Nawaf bin Nayef, yngri bróður hans.

Mohammed bin Nayef hefur frá árinu 2017 verið í stofufangelsi að skipun bin Salman.

Erindreki Sáda í Washington, höfuðborg Bandaríkjanna, vildi ekki tjá sig um málið þegar eftir því var leitað af hálfu New York Times.

Sádi-Arabía
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið