NBA stjörnur senda félaga sínum samúðarkveðjur vegna móður hans

NBA stjörnuleikmaðurinn Karl Anthony Towns missti í gær móður sína sem lést eftir að hafa fengið COVID-19 sjúkdóminn.

Minnesota Timberwolves, lið Karls Anthony Towns, sendi frá sér yfirlýsingu þar sem kom fram að móðir stjörnuleikmanns félagsins væri látin eftir baráttu við sjúkdóminn.

Karl Anthony Towns er einn besti leikmaður NBA-deildarinnar en hann var með 26,5 stig, 10,8 fráköst og 4,4 stoðsendingar að meðaltali í leik með Minnesota Timberwolves í vetur. Þetta er hans fimmta tímabil í NBA-deildinni.

Jacqueline Cruz-Towns var 58 ára gömul. Faðir Karl Anthony Towns, Karl eldri, veiktist einnig en hefur náð sér af veikindunum.

Það vakti mikla athygli á sínum tíma þegar Karl Anthony Towns setti myndband á netið þar sem hann sagði frá veikindum móður sinnar og að hún væri komin í öundunarvél.

Karl Anthony Towns og móðir hans voru mjög náin og hann hefur margoft talað um einstakt samband þeirra í viðtölum í gegnum árin.

Karl Anthony Towns hefur fengið stuðning frá kollegum sínum á samfélagsmiðlum en margar NBA stjörnur hafa sent honum samúðarkveðjur.