Flugstjórar með 2,1 milljón á mánuði að meðaltali Kolbeinn Tumi Daðason skrifar 12. maí 2020 13:04 Flugvél Icelandair á Keflavíkurflugvelli. Vísir/Vilhelm Flugstjórar hjá Icelandair eru með 2,1 milljón króna í heildarlaun að meðaltali miðað við árið 2019. Flugmenn hjá flugfélaginu eru með 1,1 milljón krónur í heildarlaun að meðaltali. Þetta kemur fram í svari Icelandair við fyrirspurn fréttastofu um kjör starfsstétta Icelandair. Mbl greindi fyrst frá. Yfirflugfreyjur eru að sama skapi með um 740 þúsund krónur í heildarlaun á mánuði að meðaltali. Heildarlaun flugfreyja eru að meðaltali um 520 þúsund krónur. Dagpeningar í mánuði eru um 140-145 þúsund krónur að meðtaltali. Ekki fengust upplýsingar um launakjör flugvirkja. Starfstéttirnar þrjár eru hver fyrir sig með ólíka kjarasamninga við Icelandair varðandi vinnutíma, orlof, vaktafrí og lífeyrisréttindum svo eitthvað sé nefnt. Forstjórinn leggur áherslu á lægri laun Fyrirtækið rær nú lífróður til að bjarga sér frá gjaldþroti og stefnir á að ná allt að 29 milljörðum króna í hlutafjárútboð fyrir 22. maí. Fjármálaráðherra hefur sagt flugfélagið að óbreyttu stefna í gjaldþrot. Bogi Nils Bogason er forstjóri Icelandair.Vísir/Vilhelm Bogi Nils Bogason, forstjóri Icelandair, sagði í bréfi til starfsmanna um helgina að lækka þyrfti kostnað og þar vægi launakostnaður allra starfsmanna þungt, væri stærsti kostnaðarliðurinn. Fjárfestar gerðu kröfu um nýja langtímasamninga sem sýndu fram á að einingarkostnaður vegna launa yrði ekki hærri en hjá þeim flugfélögum sem Icelandair bæri sig saman við. Ósamið við flugfreyjur og flugmenn Í tillögum sem lagðar voru fram af Icelandair í kjaraviðræðum við Flugfreyjufélag Íslands um helgina er farið fram á 18 til 35 prósenta launaskerðingu flugfreyja og flugþjóna hjá félaginu. Samkvæmt tillögunum getur FFÍ ekki samið um launahækkun fyrr en í fyrsta lagi í október árið 2023. Kjarasamningurinn sem lagður er til myndi gilda frá 15. maí næstkomandi, til loka ársins 2025. Þá er í tillögum Icelandair ákvæði sem gefur félaginu heimild til þess að opna samninga og hefja viðræður að nýju, skili félagið ekki hagnaði árið 2023. Fréttablaðið greindi frá því í morgun og haft eftir heimildum að nýi kjarasamningurinn sem Icelandair vildi bera undir flugmenn hljóði upp á engar launahækkanir fyrstu tvö árin. Síðan hækki laun um 2,5 til 3,5% á árunum 2023 til 2025. Innleitt verði nýtt kaupaukakerfi þannig að flugmenn myndu fá tiltekna hlutdeild í rekstrarhagnaði félagsins. Matthías Sveinbjörnsson, forseti flugmálafélagsins, ræddi um samanburð á Icelandair við lággjaldaflugfélög í Reykjavík síðdegis í gær. Hann segir ekki hægt að bera Icelandair saman við Wizz, EasyJet og önnur slík félög. Félag íslenskra atvinnuflugmanna mun hafa hafnað beiðni Icelandair að kjarasamningurinn yrði borinn undir félagsmenn. Flugmenn segjast hafa boðið 25 prósenta kjaraskerðingu í samningaviðræðum við Icelandair. Flugvirkjar segjast standa vörð um gildi sín Flugvirkjar hafa undirritað nýjan kjarasamning við Icelandair sem gildir til ársloka 2025. Í tilkynningu frá Icelandair um helgina var samningurinn sagður styrkja samkeppnishæfni Icelandair og standa vörð um starfskjör og gott starfsumhverfi. Svona var staðan á Keflavíkurflugvelli fyrir hádegi föstudaginn 8. maí. Kyrrstæðar vélar og lítið í gangi.Vísir/Vilhelm Guðmundur Úlfar Jónsson, formaður Flugvirkjafélags Íslands (FVFÍ), segir í samtali við Vísi að flugvirkjar taki á sig kjaraskerðingu með samningnum. Með því veiti þeir ákveðinn sveigjanleika til að mæta stöðu flugfélagsins við núverandi aðstæður en standi á sama tíma vörð um gildi sín. „Þetta snýst ekki bara um tölur heldur um ákveðinn sveigjanleika líka um vinnutíma og breytingar á aukagreiðslum og slíku sem er verið að skerða í rauninni,“ segir Guðmundur Úlfar. Guðmundur hefur ekki viljað ræða nánar innihald samningsins áður en hann verður kynntur félagsmönnum. Icelandair Kjaramál Vinnumarkaður Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Skelltu líka í lás á Exit og í Nýju vínbúðinni Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Fjármálastjóri Play segir upp Viðskipti innlent Innsigla B5 að kröfu Skattsins Viðskipti innlent Endurgjöf: Það sem þú átt ekki að gera Atvinnulíf Eitruð vinnustaðamenning algeng og margfaldar líkur á kulnun Atvinnulíf Tryggðu sér 300 milljóna króna fjármögnun Viðskipti innlent Nú er hægt að elta góða veðrið um landið með kortavef Já.is Samstarf Sagðir vilja frekar loka TikTok en selja Viðskipti erlent Fleiri fréttir Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Innsigla B5 að kröfu Skattsins Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Sjá meira
Flugstjórar hjá Icelandair eru með 2,1 milljón króna í heildarlaun að meðaltali miðað við árið 2019. Flugmenn hjá flugfélaginu eru með 1,1 milljón krónur í heildarlaun að meðaltali. Þetta kemur fram í svari Icelandair við fyrirspurn fréttastofu um kjör starfsstétta Icelandair. Mbl greindi fyrst frá. Yfirflugfreyjur eru að sama skapi með um 740 þúsund krónur í heildarlaun á mánuði að meðaltali. Heildarlaun flugfreyja eru að meðaltali um 520 þúsund krónur. Dagpeningar í mánuði eru um 140-145 þúsund krónur að meðtaltali. Ekki fengust upplýsingar um launakjör flugvirkja. Starfstéttirnar þrjár eru hver fyrir sig með ólíka kjarasamninga við Icelandair varðandi vinnutíma, orlof, vaktafrí og lífeyrisréttindum svo eitthvað sé nefnt. Forstjórinn leggur áherslu á lægri laun Fyrirtækið rær nú lífróður til að bjarga sér frá gjaldþroti og stefnir á að ná allt að 29 milljörðum króna í hlutafjárútboð fyrir 22. maí. Fjármálaráðherra hefur sagt flugfélagið að óbreyttu stefna í gjaldþrot. Bogi Nils Bogason er forstjóri Icelandair.Vísir/Vilhelm Bogi Nils Bogason, forstjóri Icelandair, sagði í bréfi til starfsmanna um helgina að lækka þyrfti kostnað og þar vægi launakostnaður allra starfsmanna þungt, væri stærsti kostnaðarliðurinn. Fjárfestar gerðu kröfu um nýja langtímasamninga sem sýndu fram á að einingarkostnaður vegna launa yrði ekki hærri en hjá þeim flugfélögum sem Icelandair bæri sig saman við. Ósamið við flugfreyjur og flugmenn Í tillögum sem lagðar voru fram af Icelandair í kjaraviðræðum við Flugfreyjufélag Íslands um helgina er farið fram á 18 til 35 prósenta launaskerðingu flugfreyja og flugþjóna hjá félaginu. Samkvæmt tillögunum getur FFÍ ekki samið um launahækkun fyrr en í fyrsta lagi í október árið 2023. Kjarasamningurinn sem lagður er til myndi gilda frá 15. maí næstkomandi, til loka ársins 2025. Þá er í tillögum Icelandair ákvæði sem gefur félaginu heimild til þess að opna samninga og hefja viðræður að nýju, skili félagið ekki hagnaði árið 2023. Fréttablaðið greindi frá því í morgun og haft eftir heimildum að nýi kjarasamningurinn sem Icelandair vildi bera undir flugmenn hljóði upp á engar launahækkanir fyrstu tvö árin. Síðan hækki laun um 2,5 til 3,5% á árunum 2023 til 2025. Innleitt verði nýtt kaupaukakerfi þannig að flugmenn myndu fá tiltekna hlutdeild í rekstrarhagnaði félagsins. Matthías Sveinbjörnsson, forseti flugmálafélagsins, ræddi um samanburð á Icelandair við lággjaldaflugfélög í Reykjavík síðdegis í gær. Hann segir ekki hægt að bera Icelandair saman við Wizz, EasyJet og önnur slík félög. Félag íslenskra atvinnuflugmanna mun hafa hafnað beiðni Icelandair að kjarasamningurinn yrði borinn undir félagsmenn. Flugmenn segjast hafa boðið 25 prósenta kjaraskerðingu í samningaviðræðum við Icelandair. Flugvirkjar segjast standa vörð um gildi sín Flugvirkjar hafa undirritað nýjan kjarasamning við Icelandair sem gildir til ársloka 2025. Í tilkynningu frá Icelandair um helgina var samningurinn sagður styrkja samkeppnishæfni Icelandair og standa vörð um starfskjör og gott starfsumhverfi. Svona var staðan á Keflavíkurflugvelli fyrir hádegi föstudaginn 8. maí. Kyrrstæðar vélar og lítið í gangi.Vísir/Vilhelm Guðmundur Úlfar Jónsson, formaður Flugvirkjafélags Íslands (FVFÍ), segir í samtali við Vísi að flugvirkjar taki á sig kjaraskerðingu með samningnum. Með því veiti þeir ákveðinn sveigjanleika til að mæta stöðu flugfélagsins við núverandi aðstæður en standi á sama tíma vörð um gildi sín. „Þetta snýst ekki bara um tölur heldur um ákveðinn sveigjanleika líka um vinnutíma og breytingar á aukagreiðslum og slíku sem er verið að skerða í rauninni,“ segir Guðmundur Úlfar. Guðmundur hefur ekki viljað ræða nánar innihald samningsins áður en hann verður kynntur félagsmönnum.
Icelandair Kjaramál Vinnumarkaður Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Skelltu líka í lás á Exit og í Nýju vínbúðinni Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Fjármálastjóri Play segir upp Viðskipti innlent Innsigla B5 að kröfu Skattsins Viðskipti innlent Endurgjöf: Það sem þú átt ekki að gera Atvinnulíf Eitruð vinnustaðamenning algeng og margfaldar líkur á kulnun Atvinnulíf Tryggðu sér 300 milljóna króna fjármögnun Viðskipti innlent Nú er hægt að elta góða veðrið um landið með kortavef Já.is Samstarf Sagðir vilja frekar loka TikTok en selja Viðskipti erlent Fleiri fréttir Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Innsigla B5 að kröfu Skattsins Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Sjá meira