Strákarnir okkar fengu smjörþefinn af því sem koma skal er þeir komu í fyrsta skipti í Malmö Arena í kvöld.
Þar mun liðið spila sína leiki á EM. Þetta er glæsileg höll sem tekur um 13 þúsund manns í sæti.
Það er uppselt á leikinn gegn Dönum á morgun og komast færri að en vilja. Stemningin verður rafmögnuð.
Það eru allir heilir í íslenska liðinu og því eru þeir eins tilbúnir og hægt er.
