Ferðalög

Perlur Íslands: „Einstök orka þarna og hvergi betra að vera“

Sylvía Rut Sigfúsdóttir skrifar
Andreu líður hvergi betur en á Hvaleyrarvatni.
Andreu líður hvergi betur en á Hvaleyrarvatni. Mynd/Andrea Magnúsdóttir

„Það er mjög erfitt að velja einn stað á Íslandi en ég elska að ferðast um landið okkar. Oftast hef ég farið norður og á flestar minningar þaðan síðan ég var lítil og vel norðurland bæði yfir sumartíma og til að fara á skíði á veturna,“ segir fatahönnuðurinn og verslunareigandinn Andrea Magnúsdóttir. 

Hennar uppáhalds ferðamannastaður á Íslandi er Ólafsfjörður.

Uppáhalds ferðamannastaður Andreu er Ólafsfjörður.Mynd/Andrea Magnúsdóttir

„Þaðan á ég óteljandi minningar síðan ég man eftir mér en amma mín og afi bjuggu þar.“

Andrea segir að draumaferð norður sé Hofsós - Siglufjörður - Ólafsfjörður - Akureyri – Mývatn.

Stuðlabergið við Hofsós.Mynd/Andrea Magnúsdóttir

„Ég byrja og enda allar ferðir norður með stoppi í uppáhalds sundlauginni minni á Hofsósi.“

Hofsóssundlaugin er algjör perla með stórbrotið útsýni yfir Skagafjörðinn og Drangey.Mynd/Andrea Magnúsdóttir

 „Á Ólafsfirði er mér mjög minnistæður dagur þegar ég fór á bæði sæþotu og upp á Múlakollu þá sá ég Ólafsfjörð frá glænýju sjónarhorni sem var magnað. Þessi dagur situr í mér, tilfinningin þegar ég stóð uppi á topp og horfði yfir fjöllin var ólýsanleg, svo ótrúlega fallegt þarna. Og að þeysast um á sæþotu og sjá múlann frá því sjónahorni var geggjað. Næst langar mig að prófa fjallaskíði á Tröllaskaga.“

Ólafsfjörður í allri sinni dýrð.Mynd/Andrea Magnúsdóttir

Hún stenst svo ekki mátið að bæta við einum gullmola í hennar nánasta umhverfi. Andrea býr með fjölskyldu sinni í Garðabæ og rekur verslunina Andrea á Norðurbakkanum í Hafnarfirði.

„Ein perla hér á höfuðborgarsvæðinu sem ég elska að fara á til að hlaða batteríin er Hvaleyrarvatn. Þangað fer ég oft í viku og labba hringinn eða hringi. Það er einstök orka þarna og hvergi betra að vera.“

Andrea er dugleg að grípa með sér falleg blóm í vasa í gönguferðum sínum í kringum Hvaleyrarvatn.Mynd/Andrea Magnúsdóttir

Perlur leynast víða á Íslandi og það er ljóst að sumarið 2020 verða Íslendingar á ferð og flugi um alla landshluta. Vísir verður á flakki með landanum í sumar. Veist þú um perlu sem landsmenn ættu ekki að missa af á ferðalagi? Segðu okkur frá og sendu okkur myndir á netfangið ritstjorn@visir.is. Við birtum valdar frásagnir hér á Vísi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.