Settu starfsmenn á hlutabætur, keyptu eigin bréf og greiddu arð

Stefán Ó. Jónsson skrifar 7. maí 2020 06:08

Árni Pétur Jónsson, forstjóri Skeljungs.

Tvö félög sem skráð eru á aðallista Kauphallarinnar nýttu sér hlutabótaleið stjórnvalda samhliða því að kaupa eigin bréf, annað þeirra greiddi hluthöfum sínum jafnframt 600 milljóna króna arð í liðnum mánuði.

Jón Ásgeir Jóhannesson, fjárfestir og stjórnarformaður Skeljungs.Vísir/Vilhelm Gunnarsson

Forsvarsmenn félaganna tveggja, Haga og Skeljungs, segja í samskiptum við Fréttablaðið að sóst hafi verið eftir stuðningi stjórnvalda til að koma í veg fyrir uppsagnir.

Starfshlutfall um helmings starfsmanna Skeljungs hafi verið lækkað og reiknast stjórnendum félagsins til að hlutabótagreiðslur til starfsmanna í apríl hafi numið um 6 til 7 millljónum króna. Skeljungur greiddi hluthöfum sínum 600 milljóna króna arð í aprílbyrjun og keyptu eigin bréf fyrir 186 milljónir síðar í sama mánuði.

Hagar segjast við Fréttablaðið hafa nýtt hlutabótaleiðina þar sem starfsemin dróst hvað mest saman í kórónuveirufaraldrinum, eins og í veitingasölu og fataverslun. Forsvarsmenn félagsins vilja þó ekki gefa upp hversu margir starfsmenn voru settir á hlutabætur eða hvert umfang stuðningsins er í krónum. Hagar hafa keypt eigin bréf fyrir 450 milljónir króna frá 28. febrúar.

Auk fyrrnefndra félaga hafa þrjú önnur félög sem skráð eru í Kauphöllina nýtt sér hlutabótaleiðina; Icelandair, Festi og Sýn. Þau hafa þó hvorki greitt hluthöfum sínum arð né keypt eigin bréf á árinu.

Faraldur kórónuveiru (COVID-19) Markaðir Samkomubann á Íslandi Hlutabótaleiðin

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.