Ferdinand segir framtíð allra hjá Sunderland í hættu

Anton Ferdinand, leikmaður Sunderland, segir að framtíð allra leikmanna hjá félaginu sé í hættu og að þeir þurfi nú að sanna sig upp á nýtt fyrir nýjum þjálfara.

Roy Keane hætti sem knattspyrnustjóri hjá Sunderland í síðustu viku og enn á eftir að ráða eftirmann hans. Ferdinand segir hins vegar að hlutirnir sér fljótir að breytast í heimi knattspyrnunnar.

„Maður getur verið nýkominn til félags og áður en maður veit af er maður aftur á leiðinni út," sagði Ferdinand. „En það býr mikið í þessum strákum og við sýndum það um helgina. Þeir sýndu að þeir voru allir viljugir að berjast fyrir sínu sæti í liðinu. Enginn vildi fara frá félaginu."

Sunderland var hársbreidd frá því að ná í stig gegn Manchester United á Old Trafford um helgina. Liðið hefur því tapað sjö af síðustu átta leikjum sínum og eru sem stendur í fallsæti.