Jordan setti villuna sína á sölu fyrir 17 mánuðum. Þá var verðmiðinn 3,6 milljarðar króna. Sá verðmiði hefur einhverra hluta vegna verið að standa í fólki og því er Jordan búinn að lækka verðið.
Hann lækkaði það um heilan milljarð og villan fæst því núna á 2,6 milljarða króna.
Jordan eyðir mestum tíma í dag í Charlotte þar sem hann er eigandi NBA-liðsins Charlotte Bobcats.
Það er allt í þessu húsi. Körfuboltasalur, lyftingarsalur, tennisvöllur og smá golfsvæði meðal annars.
Dýrðina má sjá á myndunum hér efst í fréttinni.
