Fyrrverandi forstjóri Nissan laus úr steininum

Kjartan Kjartansson skrifar 6. mars 2019 08:41

Grímuklæddur maður sem talið er að sé Ghosn (2.f.v.) á leið út úr fangelsinu í dag. Vísir/EPA

Carlos Ghosn, fyrrverandi forstjóri bílaframleiðandans Nissan, var látinn laus gegn tryggingu í dag. Hann hefur setið í fangelsi í rúma þrjá mánuði, sakaður um að fjármálamisferli og trúnaðarbrest hjá fyrirtækinu.

Dómstóll í Tókýó féllst óvænt á að Ghosn skyldi leyft að greiða tryggingu og ganga frjáls. Þurfti hann að reiða fram einn milljarð jena, rúman milljarð íslenskra króna. Ströng skilyrði voru sett fyrir lausninni, þar á meðal að fylgst verði með Ghosn með eftirlitsmyndavélum, að sögn breska ríkisútvarpsins BBC.

Nissan heldur því fram að Ghosn hafi kerfisbundið vantalið fram tekjur sínar til eftirlitsaðila og að hann hafi misnotað eignir fyrirtækisins til eigin hagsmuna.

Japan Carlos Ghosn flýr Japan

Tengdar fréttir

Segir að fyrrverandi stjórnanda Nissan sé haldið við grimmilegar aðstæður

Eiginkona Carlos Ghosn, fyrrverandi stjórnarformanns Nissan, segir að honum sé haldið við grimmilegar aðstæður í fangelsi í Japan. Ghosn hefur verið ákærðir fyrir umfangsmikið fjármálamisferli í starfinu sínu hjá bílaframleiðandanum.

15. janúar 2019 10:38

Nýjar ákærur gegn fyrrverandi stjórnarformanni Nissan

Carlos Ghosn er meðal annars sakaður um að hafa velt milljarðatapi af persónulegum fjárfestingum yfir á japanska bílaframleiðandann.

11. janúar 2019 07:36

Fyrrverandi stjórnarformaður Nissan ákærður fyrir fjármálamisferli

Saksóknarar í Japan hafa ákært Carlos Ghosn, fyrrverandi stjórnarformann bílaframleiðandans Nissan, fyrir fjármálamisferli.

10. desember 2018 08:20

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.